बाम गठबन्धनलाई सोत्तर पार्न कांग्रेसले साइत जुराएर घोषणा पत्र जारी गर्दै,मंगलबार १२ बजेलाई निस्कियो यस्तो साइत
नेपाली काँग्रेसले कार्तिक १४ गते मंगलबार मध्याह्न साढे १२ बजे घोषणापत्र सार्बजनिक गर्ने भएको छ । प्रतिनिधि सभा तथा प्रदेश सभा सदस्य निर्वाचनको लागि पार्टीले केन्द्रीय तहमा पार्टीको घोषणापत्र तयार भईसकेकोले मंगलबार सार्वजनिक गर्ने तयारी रहेको काँग्रेस केन्द्रीय कार्यालयले जनाएको छ ।
यसपटक मुलुकका दुई मुख्य कम्युनिष्ट शक्तिहरु एक भएर चुनाव लड्न लागेकोले काँग्रेसले पनि उनीहरुको भन्दा उत्कृष्ट घोषणापत्र तयार गरिएको काँग्रेसले जनाएको छ । बाम गठबन्धनपछि एमाले माओवादीले एउटै घोषणापत्रबाट चुनाव लड्दैछन् । यद्यपि उनीहरुले औपचारिक कार्यक्रम मार्फत् घोषणापत्र सार्वजनिक गरिसकेका छैनन् । काँग्रेसले यो पटकको चुनावी नारा ‘काँग्रेसको नेतृत्वमा शान्ति र संविधान, काँग्रेसकै नेतृत्वमा समृद्धिको अभियान’ नै राखिएको छ । उता बाम गठबन्धनले पनि संयुक्त रुपमा केहि दिन भित्रमै घोषणा गर्ने तयारी गरेको बुझिएको छ। बुझीए अनुसार कांग्रेसले साइत हेरेर मंगलबारको मिति तय गरेको हो।
