एमालेले भन्यो सर्वोच्चको आदेश चुनाव भाँड्ने षडयन्त्र, यस्तो छ देउवाको दाउ

प्रतिनिधि र प्रदेश सभाका लागि एउटै मतपत्र छाप्नु पर्ने विषयमा बुधबार सर्वोच्चले दिएको आदेशलाई नेकपा एमालेले चुनाव भाँड्ने षड्यन्त्र भएको बताएको छ।

बिहीबार पार्टीका कार्यालय धुम्बाराहीमा बसेको पार्टीको स्थायी समिति बैठकले कुनै पनि कारण देखाएर निर्वाचनसम्बन्धी कार्यमा प्रतिकुल प्रभाव पार्ने काम आफूलाई स्वीकार्य नहुने बताएको छ। बैठकपछि एमाले स्थायी कमिटीका एक सदस्यले चुनाव टार्ने नियतले सर्वोच्चको आदेश आएको सबै नेताको धारणा रहेको बताए । यसबारेमा एमालेले आजै पत्रकार सम्मेलन गरेर आफ्नो धारणा राख्ने भएको छ ।

उनले प्रतिनिधि सभा र प्रदेश सभाको मिति घोषणा भएर आयोगले मतपत्र तीव्र रुपमा अगाडि बढारहेको अवस्थामा जुन ढाँचा निर्वाचन आयोगले अगाडि बढाइरहेको छ त्यो ढाँचाले नागरिक वा मतदाताको संवैधानिक वा कानुनी रुपमा मत हाल्न पाउने हकमा कुनै कतै नपुग्ने बताए।