अबैध ठहरिएको क्यासिनो चलाउन प्रहरीको यस्तो संरक्षण,प्रहरीले उडायो सर्बोच्च अदालतको आदेशको धज्जी
सर्बोच्च अदालतले जारी गरेको अन्तरिम आदेशले संचालनमा आएको भैरहवा स्थित होटल नाम्पमा संचालित क्यासिनोको दादागिरी मौलाउन थालेको छ। अदालतले उक्त आदेश दिए पछी शेयर स्वामित्वमा केहि लफडा भएको उक्त क्यासिनो अन्तरिम आदेश संगै संचालनमा थियो। तर केहि दिन अगाडी प्रधान न्यायाधिश सहितको बेञ्चले उक्त अन्तरिम आदेश खारेज गरे संगै क्यासिनो बन्द हुनु पर्नेमा प्रहरीकै संरक्षणमा संचालनमा आएको बुझिएको छ।
तिहारमा अबैध क्यासिनोले भैरहवामा आतंक मच्चाएको स्थानीयको गुनासो छ। अदालतको अन्तरिम आदेशले संचालनमा आएको उक्त क्यासिनो अन्तरिम आदेश खारेज भए पछी पूर्ण रुपमा बन्द हुने पर्ने एक कानुन ब्यबसायीले बताए। तर पैसाको आडमा उक्त क्यासिनो संचालनमा आएको बुझिएको हो। त्यहाँका प्रहरी प्रमुखले पनि बन्द गराउन आफुलाई आदेश नभएको भन्दै हप्ता असुलेर कानुनले बन्द गर्न भनेको क्यासिनो चल्न दिएर रमिता देखाएका छन। यस बिषयमा क्यासिनो संचालक संग कुरा बुझ्न खोज्दा सम्पर्क हुन् सकेन।
