सपथ खाएको २४ घण्टा नबित्दै कमल थापालाई यस्तो आपत् पर्यो,ओलीले हान्दिए क्षेप्यास्त्र

कमल थापा नेतृत्वको राष्ट्रिय प्रजातन्त्र पार्टीका नेता तथा निवर्तमान उपसभामुख गंगाप्रसाद यादव एमालेमा प्रवेश गरेका छन् ।
भक्तपुरको बालकोटस्थित एमालेका अध्यक्ष केपी ओलीको निवासमा आइतबार बिहान आयोजित कार्यक्रममा यादव एमालेमा प्रवेश गरेका हुन् । यादवलाई ओलीले एमालेमा प्रवेश गराएका हुन् ।
राप्रपाका अध्यक्ष थापाले शनिबार राति उपप्रधानमन्त्रीको सपथ लिएको अर्को दिन बिहानै पार्टीका नेता तथा निर्वातमान उपसभामुख यादवले राप्रपा छाडेर एमालेमा प्रवेश गरेका हुन् ।
पार्टी प्रवेश कार्यक्रममा एमालेका महासचिव ईश्वर पोखरेल, स्थायी समिति सदस्य सुवासचन्द्र नेम्वाङ, सत्यनारायण मण्डल, रघुवीर महासेठसहितका नेताहरूको उपस्थिति रहेको थियो ।

त्यसै गरी, नेत्रविक्रम चन्द ‘विप्लव’ नेतृत्वको नेपाल कम्युनिष्ट पार्टीका केन्द्रीय सदस्य दलबहादुर बस्नेतसहित विभिन्न दलका नेता र कार्यकर्ताहरू पनि एमालेमा प्रवेश गरेका छन् ।
यसैबीच, एमालेका अध्यक्ष ओलीले आगामी निर्वाचनमा एमालेले अत्याधिक मत पाउने दाबी गरेका छन् । ‘प्रतिनिधि र प्रदेश सभामा एमालेले अत्याधिक मतसहित जित हासिल गर्छ’, उनले भने, ‘दुई नं. प्रदेशमा तेस्रो चरणको निर्वाचनमा एमालेले दोस्रो स्थानको मत पायो ।

२ नं. प्रदेशमा किन मत घट्यो ? खोजी गर्दै छौं । अब धेरै सिट जित्छौँ ।’