ओलीलाई छिर्के हानेर पछार्न यसरी उत्रिए उपेन्द्र यादव
मधेसविरोधी छवि बनाएका नेकपा एमालेका अध्यक्ष केपी शर्मा ओलीसँग भिड्न संघीय समाजवादी फोरम नेपालका अध्यक्ष उपेन्द्र यादव मैदानमा उत्रिएका छन् ।
उपेन्द्रलाई फोरमले आगामी मंसिरमा हुने प्रतिनिधिसभा निर्वाचनका लागि प्रत्यक्षतर्फ सिरहा क्षेत्र नम्बर १ बाट सिफारिस गरेको छ । यहाँ एमालेले अध्यक्ष केपी शर्मा ओलीलाई उम्मेदवार सिफारिस गरेको छ । ओलीलाई मधेसी जनताविरोधीको आरोप लगाउँदै आएका उपेन्द्रले चुनावमै भिड्ने निर्णय लिएका हुन् । मधेसी जनताको मत लिएर ओलीसँग बदला लिन उपेन्द्र मैदानमा आएको फोरमले जनाएको छ ।
फोरमको क्षेत्रीय कार्यसमितिको निर्णयानुसार पार्टी अध्यक्ष यादवको नाम सिरहा क्षेत्र नम्बर १ बाट सिफारिस भएको फोरमका केन्द्रीय सदस्य सत्यनारायण यादवले जानकारी दिए ।
यसअघि आइतबार एमाले सिरहा क्षेत्र नं १ ले आगामी प्रतिनिधिसभा निर्वाचनका लागि अध्यक्ष केपी शर्मा ओलीको नाम सिफारिस गरेको थियो ।
