वाम एकतालगत्तै किन थाइल्याण्ड जाँदैछन् ओली ? पूर्वराजा पनि पुगे थाइल्याण्ड
नेकपा एमालेका अध्यक्ष केपी शर्मा ओली भोलि (सोमबार) थाइल्याण्ड जाँदैछन् ।
नेपालमा प्रदेश र प्रतिनिधिसभा नजिकिरहेको र वाम गठबन्धन बनाएर राजनीति कोर्स बदलिरहेका बेला ओली एकाएक भोलि थाइल्याण्ड उड्न लागेका हुन् । उनी उपचारका लागि थाइल्याण्डको बैंकक जान लागेको ओलीको निजी सचिवालयले जनाएको छ ।
तर, स्रोतका अनुसार ओलीको उपचारका साथै भारतीय सुरक्षा अधिकारीसँग बैंककमा भेट्ने तय भएको छ । नेपालको माओवादीलाई टुक्रा टुक्रा पार्ने र वाम गठबन्धनका नाममा अहिले एमालेमा विलय गराएर माओवादी समाप्त पार्ने भारतीय मिसन सफल गरिदिएको भन्दै भारतीय सुरक्षा सल्लाहकार अजित दोभालले ओलीलाई बैंकक बोलाएको स्रोतको दाबी छ । बैंकको गोप्य स्थानमा हुने मिटिङमा माओवादीको बर्बादी, चुनाव र भावी रणनीतिबारे भारतीय सुरक्षा अधिकारीसँग ओलीले छलफल गर्नेछन् ।एमालेका अनुसार ओली असोज २७ गते स्वदेश फर्किने कार्यक्रम छ ।पूर्व राजा ज्ञानेन्द्र पनि थाइल्याण्ड गएका छन।
