आइतबार प्रधानमन्त्रीका लागि निर्वाचन हुने
काठमाडौँ । सभामुख ओनसरी घर्तीले प्रमुख प्रतिपक्षी नेकपा एमालेलगायतको विपक्षी दलले लगातार व्यवस्थापिका संसद अवरुद्ध गरेपछिसूचना टाँसेर प्रधानमन्त्री निर्वाचन प्रक्रिया सुरु गर्नु परेको बताउनु भएको छ ।
सभामुख घर्तीले सूचनामार्फत नै बहुमतीय प्रक्रियाबाट सरकार गठन गर्न राष्ट्रपति विद्या भण्डारीबाट आहृवान भएको जानकारी दिनु भएकाले प्रधानमन्त्री चयनको कार्यतालिका सार्वजनिक गर्नु परेको बताउनु भएको छ ।
संसद सचिवालयले सार्वजनिक गरेको प्रधानमन्त्री निर्वाचन तालिका अनुसार शनिबार बिहान ११ देखि ४ बजेसम्म उम्मेदवारी दर्ता समय तोकिएको छ । आइतबार बिहान ११ बजेको संसद बैठकमा निर्वाचन हुनेछ ।
यसअघि प्रधानमन्त्री निर्वाचन प्रक्रियामा सहमतिको प्रयासका लागि शुक्रबार बिहान कार्यव्यवस्था परामर्श समिति र दिउँसो तीन दलको बैठकमा सत्तापक्ष र विपक्षी दलबीच सहमति हुन सकेन ।
