नाडा अटो शो सवारीप्रेमीको महान चाड हो : अध्यक्ष चौधरी
आगामी भदौ ३ गतेदेखि ८ गतेसम्म काठमाडौंको भृकुटीमण्डपमा ‘नाडा अटो शो २०२५’ आयोजना हुँदैछ । यस पटकको नाडा अटो शो केही भिन्न हुँदैछ । यस वर्षको प्रदर्शनी ‘गो फर मोर’ भन्ने नारासहित आयोजना हुँदैछ । यस वर्षको शोले नवीनतम प्रविधि, ग्राहक संलग्नता र अटो क्षेत्रको सम्पूर्ण पारिस्थितीकी तन्त्रलाई एकै छानामुनी ल्याउने भएको छ ।
नाडा अटोमोबाइल्स एसोसिएसन अफ नेपालका अध्यक्ष करण चौधरीले यो केवल प्रदर्शनी मात्र नभई, नेपालको दिगो, स्मार्ट र भविष्यमुखी मोबिलिटीको प्रतिबिम्ब हो । यस वर्षको शोले नवीनतम प्रविधि, ग्राहक संलग्नता र अटो क्षेत्रको सम्पूर्ण पारिस्थितिकी तन्त्रलाई एकै छानामुनि ल्याउने बताएका छन ।
उनले स्वचालन र बुद्धिमत्ताको नयाँ युगको प्रतीकस्वरूप उन्नत चारखुट्टे रोबोटहरु (यूनिट्री रोबोटिक्स) र भविष्यको सहरी हवाई मोबिलिटीको पहिलो झलक (दीपल ईभिटोल युएभी) प्रदर्शनी गरिने छ । यसका अतिरिक्त १९ वटा चारपांग्रे ब्राण्डहरु, १३ वटा हल्का व्यवसायीक सवारी साधन ब्राण्डहरु र ४ वटा दुईपांग्रे सवारी ब्राण्डहरु प्रदर्शनीमा राखिने भएको बताए ।
नाडा अटो शोमा ३५ वटा कम्पनीहरू ९लुब्रिकेन्ट, टायर, ब्याट्री, ग्यारेज उपकरण र वित्तीय संस्थाहरू० सहभागी हुनेछन् । एक लाखभन्दा बढी आगन्तुकको अपेक्षा गरिएको छ ।
‘नाडा’ भन्ने बित्तिकै सबै नेपालीले अटोमोबाइल क्षेत्रलाई बुझ्छन् । अटोमोबाइल क्षेत्रको पर्यायवाची नै नाडा बनेको छ । नाडाको अर्को महत्त्वपूर्ण पर्यायवाची प्रदर्शनी हो । नाडा भनेकै एउटा चाड हो । ‘नाडा कहिले आउँदैछ रु’ भनेर मानिसहरूले सोध्नुको अर्थ नाडा अटो शो कहिले हुँदैछ भनेर हो ।
नाडा अटो शो हाम्रो लागि एक महत्त्वपूर्ण कार्यक्रम हो । जसको आयोजना हामी पात्रो हेरेर घटस्थापनाभन्दा अगाडि तोक्छौँ । यो केवल एक प्रदर्शनी होइन, यो अटोमोबाइल व्यवसायीहरूको लागि एउटा चाड हो, जसलाई हामी सबै हर्षोल्लासका साथ मनाउँछौँ उनले भने ।
अध्यक्ष चौधरीले भने यस पटकको नाडा अटो शो विशेष छ । यो केवल एक चाड मात्र होइन, भविष्यको दूरदर्शी सोचलाई अँगाल्ने एक अवसर पनि हो । गत वर्ष मैले नाडा अटो शोबाट अटोमोबाइल क्षेत्रको भविष्यको दृष्टिकोण प्रस्तुत गर्ने वाचा गरेको थिएँ । यस पटक नाडाले यहाँहरूलाई मोबिलिटी, भविष्य र प्रविधिको वास्तविक अर्थ अनुभव गराउने छ ।
उनले भने भविष्यको कुरा गर्दा, विद्युतीकरण ९इलेक्ट्रिफिकेसन० एक महत्त्वपूर्ण पाटो हो । नेपालले यति छिटो र बलियोसँग विद्युतीकरणलाई अँगाल्छ भनेर कसैले सोचेको थिएन । भविष्यले नेपाललाई चाँडै नै नयाँ उचाइमा पुर्याउनेछ । यस पटकको नाडा अटो शो केही फरक ढङ्गले आयोजना गरिएको छ । यसको कुल क्षेत्रफल ३ लाख स्क्वायर फिटभन्दा बढी छ भने प्रदर्शनी स्थल १ लाख ५९ हजार स्क्वायर फिटभन्दा बढी छ ।
यस पटक हामी नवीनता, भविष्यको मोबिलिटी र दिगो विकासमा केन्द्रित छौँ । हामीले प्रविधि, संस्कृति र व्यवसायलाई एकसाथ कसरी अगाडि बढाउन सकिन्छ भनेर सोचेका छौँ । हाम्रा सबै प्रायोजकहरूको एउटै लक्ष्य छ– नाडालाई नेपालको चाड बनाउने बताए ।
उनले भने यहाँहरूले प्रदर्शनीमा आएर भविष्यको सहरी हवाई मोबिलिटीको पहिलो झलक प्रत्यक्ष अनुभव गर्न सक्नुहुनेछ । यहाँहरूले युनिट्री रोबोटसँग अन्तरक्रिया गर्ने मौका पनि पाउनुहुनेछ । यो नै नाडा हो । नाडाको मुख्य ध्यान नेपाली उपभोक्ताहरू हुन् । हामी उनीहरूलाई भविष्यसँग जोड्न चाहन्छौँ । यी कुराहरूले यस पटकको नाडा किन फरक छ भन्ने कुराको आभास दिनेछ ।
नाडा अब नयाँ युगमा प्रवेश गर्दैछ । अर्को वर्ष नाडाले आफ्नो स्वर्ण जयन्ती मनाउँदैछ । जुन हाम्रो लागि ५० वर्षको यात्रा हो । नाडाको यो ५० वर्षको यात्रा सहज थिएन । केही अग्रजहरूले सुरु गरेको सानो प्रयासबाट आज हामी यो विशाल संगठन बनेका छौँ अध्यक्ष चौधरीले भने ।
