५ सय र हजारको नोटमा प्रतिबन्ध लगाऔँ : पूर्वअर्थमन्त्री पाण्डे
नेकपा एमालेका उपाध्यक्ष सुरेन्द्र पाण्डेले भ्रष्टाचार नियन्त्रण राजनीति भन्दा अरू कसैले गर्न नसक्ने बताएका छन् । कांग्रेसको आर्थिक नीति तथा योजना विभागको कार्यक्रममा बोल्दै भ्रष्टाचार नियन्त्रण गर्ने पोसिली नै सरकारले बनाउने बताए ।
पूर्वअर्थमन्त्री समेत रहेका पाण्डेले भने, ‘मैले धेरै ठाउँमा भनेको छु भ्रष्टाचार नियन्त्रण गाह्रो काम छैन। पाँच सय र हजारको नोट बन्द गरिदिऔँ । नछापौँ, नागरिकलाई अहिले नै आतंकित नपारौँ, ०८५ पछि पाँच सय र हजारको नोट चल्दैन भनेर भनिदिऔँ । त्यसपछि सरकारले सय रुपैयाँ मात्रै नोट छाप्छ, कसैले एक करोड घुस खानुपर्यो भनेपनि एक ट्रक लिनुपर्यो, त्यसका लागि कोठा बुक गरेर भाडामा राखेर ताला लगाएर पैसा राख्नुपर्यो । यो सम्भव हुँदैन । उनले जग्गा बाँझो राख्न नपाइने र राख्नुपर्यो भनेपनि एउटा नोटिस जारी गर्नुपर्ने सिस्टममा जानुपर्ने बताए ।
