कांग्रेस केन्द्रीय सदस्य जीतजंग बस्नेतले मागे गृहमन्त्रीको राजीनामा

 

 

नेपाली कांग्रेसका केन्द्रीय सदस्य जीतजंग बस्नेतले पनि गृहमन्त्री नारायणकाजी श्रेष्ठको राजीनामा माग गरेका छन् ।त्रिभुवन विमानस्थ भन्सार कार्यालयबाहिरबाट बरामद गरिएको करिब १ क्विन्टल सुन तस्करीमा गृहमन्त्री नारायणकाजीको समेत नाम जोडिएकाले उनले पदबाट राजिनामा दिनुपर्ने उनको भनाइ छ ।

तीन दिनदेखि जारी कांग्रेस केन्द्रीय कार्यसमितिको बैठकमा आफ्नो धारणा व्यक्त गर्दै उनले गृहमन्त्री श्रेष्ठले राजीनामा दिनुपर्ने बताएका हुन् । यसैबीच, नेपाली कांग्रेसकै सांसद सुनील शर्माले पनि गृहमन्त्री श्रेष्ठ तथा अर्थमन्त्री प्रकाशशरण महतले समेत यो प्रकरणमा राजीनामा दिनुपर्ने बताएका छन् । आज बसेको प्रतिनिधि सभाको कानून, न्याय तथा मानव अधिकार समितिको बैठकमा उनले अर्थमन्त्री महत र गृहमन्त्री श्रेष्ठको राजीनामा माग गरेका हुन् ।