साउन दोस्रो साताभित्र एमालेको संगठित सदस्यता प्रमाणिकरण

 

 

नेकपा एमालेले साउनको दोस्रो साताभित्र संगठित सदस्यको प्रमाणिकरण गरी जिल्ला पठाउने निर्णय गरेको छ । भर्खरै सम्पन्न संगठन बिभागको बैठकले सो निर्णय गरेको प्रमुख काशीनाथ अधिकारीले जानकारी दिनुभयो । ‘सदस्यहरूको नवीकरण कार्य केन्द्रीय कमिटीले तोकेको अन्तिम मिति असार मसान्तभित्रै सम्पन्न भइसकेको छ । सदस्यहरूको विवरण र तोकिएको शुल्क तथा लेबी प्रदेश हुँदै केन्द्रमा आउनेक्रम आरम्भ भइसकेको छ । साउन पहिलो हप्ताभित्र सबै रिपोर्ट केन्द्रमा आइपुग्नेछ र दोस्रो हप्ताभित्र केन्द्रीय संगठन विभागले प्रमाणीकरण गरेर सम्बन्धित प्रदेशहरूमा पठाउने छ,’ प्रेस बक्तब्यमार्फत बैठकको निर्णय सार्वजनिक गर्दै प्रमुख अधिकारीले भन्नुभएको छ । एमाले संगठन बिभागले यसपटकको नविकरणको क्रममा नवौं महाधिवेशनको त्रुटी सच्याउने काम भएको ठहर पनि गरेको छ ।

‘यसअघि महाधिवेशनदेखि महाधिवेशनमा मात्रै सदस्यहरूको सदस्यता नवीकरण गरिन्थ्यो । त्यसोगर्दा निस्क्रिय सदस्यहरूले पनि नवीकरणगर्ने अवसर पाउँथे । नेतृत्वका आकाङ्क्षीहरूबाट कतिपय अवस्थामा अन्य भोटर सदस्यहरूको शुल्क तिरिने, दबाब दिएर कमिटीमा निर्णय गराइने जस्ता अनियमित कामहरूका कारण अनुचित ढङ्गले पनि सङ्ख्या बढ्नपुग्थ्यो । नेकपा(एमाले)को इतिहासमा यसपटक त्यसमा क्रमभङ्ग गरिएकोछ । महाधिवेशनको आयोजना नभएको समयमा सक्रिय सदस्यहरूको यथार्थ सङ्ख्या लिन खोजिएकोछ । योग्यतम् सदस्यहरूको मात्र नवीकरणगर्ने काम भएकोछ । दशौं महाधिवेशनका बेला रहेको त्रुटीलाई पनि सच्याउन खोजिएकोछ । त्यतिबेलाकायमभएका सदस्यहरूमा एकातिर एकीकृत समाजवादीतर्फ गएका सबै सदस्यहरूको नाम यथावत् कायम थियो भने अर्कोतिर नेकपा कालमा अनुचित ढङ्गले दिइएका सदस्यहरूको ठूलो सङ्ख्या पनि त्यसमा पर्नगएको थियो । तसर्थ, त्यो नेकपा (एमाले)को वास्तविक सदस्य सङ्ख्या थिएन । यो कुरा नवौं महाधिवेशनको आँकडाहेर्दा पनि स्पष्ट हुन्छ । २०७१ सालमा सम्पन्न भएको नवौं महाधिवेशनमा २ लाख ५६ हजार ७७२ जना मात्रै पार्टी सदस्य थिए । तसर्थ नेकपा(एमाले)का सदस्य घटे भन्ने बजार हल्लामा कुनै सत्यता छैन,’ बिज्ञप्तीमा भनिएको छ ।

प्रेस वक्तव्य

नेकपा (एमाले) केन्द्रीय संगठन विभागको चौधौं बैठक २०८० साउन २ गते पार्टी केन्द्रीय कार्यालय, च्यासल ललितपुरमा सम्पन्न भयो । उपाध्यक्ष कमरेड विष्णु पौडेल र महासचिव कमरेड शंकर पोख्रेलबाट महत्वपूर्ण मार्गनिर्देशन भएको उक्त बैठकमा निवर्तमान विभाग प्रमुख कमरेड खगराज अधिकारीको पनि विशेष उपस्थिति रहेको थियो । सबै सदस्यहरूको सक्रिय सहभागिता रहेको उक्त बैठकको अध्यक्षता विभाग प्रमुख काशीनाथ अधिकारीबाट भएको थियो ।

बैठकमा पार्टी सदस्यता नवीकरण तथा विस्तारमा भएको प्रगति, आगामी वर्षको वार्षिक कार्ययोजना, अन्य पार्टी र समूहबाट प्रवेश गर्नुभएका कमरेडहरूको जिम्मेवारी व्यवस्थापन र पार्टीका प्रदेश अधिवेशनहरू आयोजनाका सम्बन्धमा गरी चारवटा विषयमा छलफल भएको थियो ।

तत्कालको पार्टी कामको मुख्य विषय बनेको पार्टी सदस्यता नवीकरणका सन्दर्भमा उच्च महत्वका साथ बैठकमा रिर्पोटिङभयो । सदस्यहरूको नवीकरण कार्य केन्द्रीय कमिटीले तोकेको अन्तिम मिति असार मसान्तभित्रै सम्पन्न भइसकेको छ । सदस्यहरूको विवरण र तोकिएको शुल्क तथा लेबी प्रदेश हुँदै केन्द्रमा आउनेक्रम आरम्भ भइसकेको छ । साउन पहिलो हप्ताभित्र सबै रिपोर्ट केन्द्रमा आइपुग्नेछ र दोस्रो हप्ताभित्र केन्द्रीय संगठन विभागले प्रमाणीकरण गरेर सम्बन्धित प्रदेशहरूमा पठाउनेछ ।

स्मरणीय छ, यसअघि महाधिवेशनदेखि महाधिवेशनमा मात्रै सदस्यहरूको सदस्यता नवीकरण गरिन्थ्यो । त्यसोगर्दा निस्क्रिय सदस्यहरूले पनि नवीकरणगर्ने अवसर पाउँथे । नेतृत्वका आकाङ्क्षीहरूबाट कतिपय अवस्थामा अन्य भोटर सदस्यहरूको शुल्क तिरिने, दबाब दिएर कमिटीमा निर्णय गराइने जस्ता अनियमित कामहरूका कारण अनुचितढङ्गले पनि सङ्ख्या बढ्नपुग्थ्यो । नेकपा(एमाले)को इतिहासमा यसपटक त्यसमा क्रमभङ्ग गरिएकोछ । महाधिवेशनको आयोजना नभएको समयमा सक्रिय सदस्यहरूको यथार्थ सङ्ख्या लिन खोजिएकोछ । योग्यतम् सदस्यहरूको मात्र नवीकरणगर्ने काम भएकोछ । दशौं महाधिवेशनका बेला रहेको त्रुटीलाई पनि सच्याउन खोजिएकोछ ।

त्यतिबेला कायमभएका सदस्यहरूमा एकातिर एकीकृत समाजवादीतर्फ गएका सबै सदस्यहरूको नाम यथावत् कायम थियो भने अर्कोतिर नेकपा कालमा अनुचित ढङ्गले दिइएका सदस्यहरूको ठूलो सङ्ख्या पनि त्यसमा पर्नगएको थियो । तसर्थ, त्यो नेकपा (एमाले)को वास्तविक सदस्य सङ्ख्या थिएन । यो कुरा नवौं महाधिवेशनको आँकडाहेर्दा पनि स्पष्ट हुन्छ । २०७१ सालमा सम्पन्न भएको नवौं महाधिवेशनमा २ लाख ५६ हजार ७७२ जना मात्रै पार्टी सदस्य थिए । तसर्थ नेकपा(एमाले)का सदस्य घटे भन्ने बजार हल्लामा कुनै सत्यता छैन ।

सच्चा पार्टी सदस्यहरूको अभिलेख अद्यावधिकगर्नेक्रममा यसपटक नवीकरण मात्रै भएको छैन, उल्लेख्य सङ्ख्यामा नयाँ कमरेडहरू सदस्यताको प्रक्रियामा आएका पनि छन् । पार्टीको मिसन एकाउन्न प्रतिशतका सन्दर्भमा प्रत्येक वडामा मतदाता सङ्ख्याको कम्तिमा तीन प्रतिशत सदस्य पु¥याउने र पार्टीको एघारौं महाधिवेशनसम्ममा दश लाख गुणस्तरीय सदस्य पु¥याउने लक्ष्यका प्रति पार्टी सङ्कल्पकासाथ लागिरहनेछ ।

 

काशीनाथ अधिकारी
प्रमुख