पाल्पा रामपुरको मेयरमा अधिवक्ता अर्यालको नाम सर्वसम्मत सिफारिस

 

 

अधिवक्ता शिव अर्याल पाल्पाको रामपुर नगरपालिकाको मेयर पदको लागि एमालेको तर्फबाट सर्वसम्मत उम्मेदवार सिफारिस भएका छन् । पाँच दलीय गठबन्धनले मुलुकभरि दब्दबा कायम राखेका बेला एमालेका युवा नेता अर्यालले रामपुरको मेयरमा प्रतिस्पर्धा गर्न लागेका हुन् ।

रामपुर एमालेको किल्लाका रुपमा परिचित छ । अर्यालले रामपुरको मेयरमा आफूले जित्ने दाबी गरेका छन् । ‘एमालेबाट मलाई रामपुर नगरपालिकाको मेयरमा सर्वसम्मत सिफारिस गरेर सहयोग गर्नुभएको छ । सबैलाई धन्यावाद’, उनले भने, ‘रामपुर एमालेको राम्रो नगरपालिका हो । एमालेको जित सुनिश्चित छ ।’