ओलीको देश दौडाहा, गठबन्धन गलफती : प्रचण्ड-माधव निचोरेको कागती
निर्मल भट्टराई
मौसमको गर्मीभन्दा स्थानीय चुनावको गर्मी बढ्ता छ अहिले नेपालमा । सिङ्गो देश अहिले स्थानीय तहको निर्वाचनको सङ्घारमा छ । नेकपा(एमाले) र सत्ता गठबन्धन दुई कित्तामा ध्रुवीकृत वर्तमान राजनीतिक व्याटलमा एमालेको विजय हुने निकै भरपर्दा सङ्केत देखा परेका छन् ।
के पहाड ,के मधेश एमालेको पक्षमा अभूतपुर्व लहर देखा परेको छ । करिब दुई दशक गुटबन्दीको शिकार रहँदै आएको एमालेमा माधव नेपालको सानो समूह चोइटिएर बाहिरिएपछि अद्वितीय रूपमा एकताबद्ध भएको छ ।
माओवादीको ठूलो समूह, देशभरका सच्चा लोकतन्त्रवादी, प्रगतिशील अन्य शक्ति र व्यक्तिको निरन्तर एमालेमा समाहित हुने प्रक्रियाले तीव्रता पाउँदा एमाले इतिहासकै शक्तिशाली भएको छ । पार्टी अध्यक्ष के पी शर्मा ओलीको प्रतिस्पर्धाविहीन क्रेज, पार्टीको राष्ट्र निर्माणको भिजन र मुद्धा,जनताको बहुदलीय जनवादको वैचारिक शक्ति र भरपर्दो साङ्गठानिक आधारले एमाले साच्चिकै अजेय शक्तिको रूपमा उदाएको छ ।
देशीविदेशी प्रतिक्रियावादी शक्तिको चौतर्फी घेराबन्दीलाई तोड्दै एमाले लक्षभेदनतर्फ अगाडि बढेको छ । एमालेको चुनाबी अभियानसंग सत्ता गठबन्धन प्रतिस्पर्धा गर्न डराएर स्थानीय तहको निर्वाचन सार्ने षणयन्त्र पनि गर्दैछ । पटक-पटक गम्भिर स्वास्थ्य समस्या झेल्दै आएका, मिर्गौलाको दोश्रो पटक प्रत्यारोपण गराएका सत्तरी वर्षीय ओलीको पच्चीस वर्षे युवाको जस्तै सक्रियताले एमालेलाई एक अब्बल क्रान्तिकारी पार्टीको रूपमा रूपान्तरण गरेको छ ।
पार्टीका बरिष्ठ उपाध्यक्ष ईश्वर पोकरेलको वैचारिक तथा पार्टी महासचिव शंकर पोकरेलको साङ्गठानिक व्यवस्थापनले एमालेलाई अरू पार्टीसंग तुलनै हुन नसक्ने गरि उत्कृष्ट बनाएको छ । आज एमाले पार्टीले जनताको अपार समर्थन प्राप्त गरेको छ । विगतको स्थानीय निर्वाचन अघि एमालेविरुद्ध ब्यारिकेट खडा गरिएको मधेश प्रदेशमा आज जताततै
ओलीलाई रातो कार्पेट विछ्याइएको छ । पर्सा, सप्तरी, रौतहट, सर्लाही, धनुषा,महोत्तरी लगायतका जिल्लाका अधिकांश गैर एमाले जनप्रतिनिधिहरू एमालेमा सगौरव समाहित भएका छन् ।
हिजो एमाले कमजोर रहेका मधेशका थुप्रै पालिकाहरू आज धमाधम एमालेका गढमा परिणत हुँदैछन् । जनसङ्ख्या र मतदाता अत्यधिक रहेको मधेश प्रदेशमा एमालेको पक्षमा लहर न भूतो न भविष्यति भनेझैं आएको छ । अर्कातिर दिन प्रतिदिन जनतामा अलोकप्रिय बन्दै गएको सत्ता गठबन्धन तालमेलको झमेलामा नराम्ररी जकडिएको छ ।
सत्ता गठबन्धनको प्रमुख घटकनेपाली काङ्ग्रेसको अनिच्छाका बाबजुद राष्ट्रव्यापी तालमेलको लागि कस्सिएकाप्रचण्ड र माधवलाई काङ्ग्रेसले विरालोले मुसो खेलाएझैं खेलाइरहेको छ ।कार्यकर्ता तहमा एमालेको छातामुनि धमाधम बाम ध्रुवीकरण भइरहेको नियालेकोनेपाली काङ्ग्रेसले पछिल्ला दिनमा प्रचण्ड र माधव समूहलाई त्यति भाउ नदिएकोप्रष्ट देख्न सकिन्छ ।
माधव समूह र प्रचण्ड समूहको जमिन एमालेले लगभगबडारिसकेको अवस्थामा नेपाली काङ्ग्रेसले उनीहरूलाई जताततै बोक्न नसक्नेबताउन थालेको छ ।नेपाली काङ्ग्रेसका विभिन्न नेताले प्रचण्ड र माधवले आफ्नो औकातभन्दा बढीसिट मागेको बताइरहेका छन् ।
विगतमा ओलीविरूद्ध एउटै जुवामा नारिएरदेउबाको क्याम्पमा गएका प्रचण्ड र माधवमा पनि कसको औकात कति भन्नेमा लफडा शुरू भएको छ । आरोप प्रत्यारोप शुरू भएको छ । हिजो एमालेमा आफ्नो अपमा।
न भयो भनेर अकारण भागेका माधव नेपाल आज गठबन्धन दलले पनि आफ्नो अपमान गरेको बताउन थालेका छन् । विगतमा माधव नेपालले छरेको भ्रमबाट मुक्त भएर देशभरका माधव समूहका नेता-कार्यकर्ता धमाधम आफ्नोगौरबशाली घर एमालेमै फर्किरहेको देखेर उनी दिन प्रतिदिन विक्षिप्त बन्दै गएका छन् एकातिर भने अर्कोतिर देउबा र प्रचण्डले भनेजति स्थानीय तहका सिट दिन अस्वीकार गरेबाट उनको हुर्मत हुदै गएको छ ।
प्रचण्ड लाई आफ्नो छोरीलाई भरतपुर महानगरपानिकाको मेयर पद पुनः प्राप्ति नै फलामको च्यूरा चपाउनु सरह भएको छ । छोरीलाई पुनः टिकट दिए वा भरतपुरलाई माओवादीको पोल्टामा राखिदिएमा चितवनका अधिकांश काङ्ग्रेसीले विद्रोहको तयारी गरेका छन् ।
देशका धेरै जिल्लामा नेपाली काङ्ग्रेसले माधव र प्रचण्डको पार्टीलाई मागेजति सिट दिन नसकिने बताइसकेको सूचना बाहिरिएका छन् । अन्ततः प्रचण्ड र माधवलाई नेपाली काङ्ग्रेसले अन्त्यमा थाङ्नामै सुताउने हो ।
निचोरेको कागती बनाएर फाल्ने नै हो । छलाङ मार्न सिपालु प्रचण्डलाई एमालेतिर छलाङ मार्न नदिने नेपाली काङ्ग्रेसको एकमात्र ध्याउन्न छ । ओली र एमालेको हाउगुजी देखाएर प्रचण्ड र माधवलाई अन्तिमसम्म अल्मल्याउनुमा नै आफ्न सफलता देखेको छ काङ्ग्रेसले ।
काङ्ग्रेसले प्रचण्ड र माधवलाई जे दिनु थियो दिइसक्यो । अब केही दिंदैन । तालमेलको अधिकार पाएका नेपाली काङ्ग्रेसका स्थानीय समितिले विस्तारै विस्तारै आफ्नो थैली कस्तै ल्याएको देखिन्छ । भोटको हिसाबकिताबमा माहिर काङ्ग्रेसीहरू प्रचण्ड र माधवका स्थानीय कमिटीका हावादारी मत प्रक्षेपण मान्न तयार देखिदैनन् ।
यस सन्दर्भमा कास्की काङ्ग्रेसको तर्क बढो घतलाग्दो छ । ऊ भन्छ- ‘डालोमा भएको मत मानोमा हाल्दा पोखिन्छ, मानोको मत डालोमा हाल्दा परिणाम आउँछ । ‘अर्थात् नेपाली काङ्ग्रेस उनीहरूलाई लिलिपुटसरह हातमा नचाउनमात्र चाहन्छ ।
कठपुतली बनाउन चाहन्छ । भोट दिएर जिताउन चाहदैन । गठबन्धनमा महानगरपालिकामा साझा चुनाव चिन्हमा चुनाव लड्ने तयारी गरिएको छ । सिंहको भाग पाउने नेपाली काङ्ग्रेसको चुनाव-चिन्ह रूख नै गठबन्धनको साझा चुनाब-चिन्ह बन्ने लगभग निस्चित भएको छ ।
यसले विस्तारै देशलाई दुई पार्टी व्यवस्थातर्फ डोहोर्याउने निस्चित छ । अब प्रचण्ड र माधवको अस्थित्व नेपाली काङ्ग्रेसको पोल्टामा स्थायी रूपमै जाने भयो । ङ्याकिनु र निचोरिनुको पनि हद हुन्छ ।
