माओवादी छाडने तयारीमा लीलामणि पोखरेल
अमेरिकी सहयोग परियोजना एमसीसीले माओवादी केन्द्रका एक केन्द्रीय नेताको घरमा झगडाको बीउ बनेको छ ।जसले गर्दा श्रीमान् श्रीमती नै आ–आफ्नो बाटोमा लाग्नुपर्ने हो कि भन्ने अवस्था आएको छ ।
एमसीसीले बुढाबुढीबीच नै बेमेल ल्याएपछि अहिले लीलामणि पोखरेल र शशी श्रेष्ठ कसरी फेस सेभिङ गर्ने भन्ने छलफलमा जुट्नु भएको छ । पोखरेल र श्रेष्ठ दुवै एकता केन्द्रबाट माओवादीमा आउनुभएको हो । दुवै पार्टीको वरिष्ठ नेता हुनुहुन्छ। पोखरेल केन्द्रीय कमिटीमा हुनुहुन्छ भने श्रेष्ठ अहिले सरकारमा हुनुहुन्छ । उहाँ भूमि व्यवस्था तथा सहकारी मन्त्री हुनुहुन्छ । पोखरेल एमसीसीको कट्टर विरोधी हुनुहुन्छ भने श्रेष्ठ मन्त्री भएकाले कतै खुल्नुभएन ।
प्रधानमन्त्री शेरबहादुर देउवाले एमसीसी जसरी पनि पारित गर्नुपर्ने अडान राखेको र त्यसमा माओवादी केन्द्रका अध्यक्ष पुष्पकमल दाहाल प्रचण्डले पनि साथ दिएकाले शशी श्रेष्ठ पनि सरकारकै पक्षमा उभिनुभएको थियो ।
तर, पोखरेल भने एमसीसी पास भएमा पार्टी नै छाड्ने धम्की दिनुभएको थियो। तर, माओवादी केन्द्रको सहयोगमै एमसीसी संसदबाट अनुमोदन भयो । माओवादीका सात सांसदले पार्टीको निर्णयमा विद्रोह गरेपछि अहिले प्रचण्ड तनावमा देखिनुभएको छ । नारायणकाजीसँगसँगै लीलामणि पोखरेल पनि पार्टीबाट बाहिरिने हुन् कि भन्ने तनावमा खुमलटार देखिएको छ ।
