झलनाथ मनाउने अभियानमा माधव नेपाल
नेकपा एकीकृत समाजवादीका अध्यक्ष माधवकुमार नेपाल सचिवालय बैठक स्थगित गरेर सम्मानित नेता झलनाथ खनालसँग छलफलमा जुट्नु भएको छ ।
दिउँसो एक बजे बोलाइएको बैठक भोलि बस्ने गरी स्थगित गरी अध्यक्ष नेपाल खनालसँग छलफलमा जुटनुभएको हो । खनालले एमसीसीमा अध्यक्ष नेपालले पार्टी निर्णयबिपरित एससीसी सदनमा टेबल गर्न सहमति दिएर जनतामाथि घात गरेको सार्वजनिक आरोप लगाउनु भएको थियो ।
नेपालबिरुद्ध कडा रुपमा प्रस्तुत भएपछि खनालसँग बार्ताका लागि आजको बैठक स्थगित भएको हो । शनिबारको स्थायी कमिटी बैठकले यथास्थितिमा एमसीसीको पक्षमा उभिन नसक्ने भन्दै थप निर्णय लिने अधिकार सचिवालयलाई दिएको छ ।
पूर्वप्रधानमन्त्री खनालले सोमबार एमसीसी संसदमा पेश हुँदा विरोध जनाउनु भएको थियो । नेता खनालले एमसीसी पेश गर्न दिने पार्टी निर्णय नभएको प्रतिक्रिया दिनु भएको छ तर अध्यक्ष नेपालले सहमतिमै सरकारले सोमबार एमसीसी संसदमा पेश गरेको बताउनु भएको छ ।
एमसीसीमा माधवको दोहोरो भूमिका देखिएपछि उहाँसँग खनाल आक्रोशितसमेत बन्नुभएको छ । तर अध्यक्ष नेपाल कुनै पनि बहानामा सरकार छाडने गल्ती नगर्ने आवश्यक परे एमसीसीलाई जस्ताको तस्तै पारित गर्ने योजनामा हुनुहुन्छ ।
