१०० अंकले घट्यो शेयर बजार

 

 

साताको दोस्रो दिन सोमबार नेपाल स्टक एक्सचेन्ज (नेप्से) मा करिब १०० अंकको पहिरो गएको छ । केही दिनदेखि बढिरहेको नेप्से आज एकै दिन ९९.८६ अंकले घटेर २८२०.६६ बिन्दुमा झरेको छ ।

आइतबार २९२० मा रहेको नेप्से सोमबार ह्वात्तै घटेको हो । आजको दिनमा सेन्सेटिभ इन्डेक्स पनि १८ अंक बढीले घटेको छ । आजका लगभग सबै कम्पनीले गुमाएका छन् । नेप्से ह्वात्तै घटे पनि कारोबार रकम तथा शेयर किनबेच भने बढेको छ । आजको दिनमा विभिन्न कम्पनीका १७ करोड ६३ लाख बढी कित्ता शेयर किनबेच हुँदा ८ अर्ब ८८ करोड धेरै कारोबार भएको छ ।