नारायणहिटी दरबारभित्र रेस्टुरेन्ट बनाउने कामरोक्न मन्त्री आलेको निर्देशन

 

 

 

संस्कृति, पर्यटन तथा नागरिक उड्डयनमन्त्री प्रेमबहादुर आलेले नारायणहिटी दरबार सङ्ग्राहालय परिसरमा निर्माण भइरहेको रेस्टुरेन्टको काम रोक्न नारायणहिटी दरबार सग्राहालय तथा गणतन्त्र स्मारक व्यवस्थापन तथा सञ्चालक विकास समितिलाई निर्देशन दिनु भएको छ । दरवार सङ्ग्राहालयका कार्यकारी निर्देशक भेषनारायण दाहाललाई मन्त्री आलेले  मन्त्रालयमा बोलाउनु भइ त्यहाँ निर्माण भइरहेको रेस्टुरेन्टको काम तत्काल रोक्न मौखिक निर्देशन दिनु भएको हो ।

 

 

मन्त्री आलेको निर्देशनपछि नारायणहिटी दरबार समितिले बि म्यानेजमेन्ट प्रालिलाई पत्र लेखेर अर्को आदेश नभएसम्मका लागि काम रोक्न निर्देशन दिएको कार्यकारी निर्देशक दाहालले जानकारी दिनुभयो । समितिले सङ्ग्राहालयको दश रोपनी जमिनमा रेस्टुरेन्ट व्यवसाय सञ्चालन गर्न बतास कम्पनीसँग सम्झौता गरेको थियो । पुरातात्त्विक क्षेत्र मानिएको नारायणहिटी दरबार सग्राहालयभित्र रेस्टुरेन्ट बन्दै गरेको समाचार बाहिरिएपछि चौतर्फी आलोचना भएको थियो । विमल विष्ट