संस्कृती, पर्यटन तथा नागरिक उड्डयन मन्त्री आले डोटी जाँने

 

 

संस्कृती, पर्यटन तथा नागरिक उड्डयन मन्त्री प्रेमबहादुर आले बुधबार बिहान डोटी जाने कार्यक्रम तय भएको छ । जिल्लाको सबै भन्दा ठूलो तथा पवित्र धार्मिक तिर्थस्थल बडिकेदारमा हुने ठूलाकेदारको पूजामा सहभागि हुँन मन्त्री त्यहाँ जान लाग्नु भएको उहाँको निजी सचिवालयले जनाएको छ । मन्त्री आले हेलिकप्टर मार्फत बुधवार दिउँसो १२ बजे त्यहाँ पुग्ने कार्यक्रम रहेको उहाँका प्रमुख स्वकीय सचिब हेमन्त रेग्मीले जानकारी दिनुभयो । साथै मन्त्री आलेले त्यहाँ रहेको बडिकेदार क्षेत्र पर्यटन विकास तथा व्यवस्थापन समितिका पदाधिकारीहरुसँग पनि बडिकेदारको थप प्रचार प्रशार तथा विकासका लागि छलफल गर्ने कार्यक्रम रहेको बताइएको छ ।

 

सुदूरपश्चिमकै धार्मिक आस्थाको धरोहर तथा प्रसिद्ध बडिकेदारमा हरेक वर्ष तिहार पछिको चतुर्दशी तिथीमा पूजा आजा तथा मेला लाग्ने गर्दछ । बडिकेदारको ढुँङ्गाको शिलामा पूजाआजा गर्ने गरिन्छ । शिवजीको प्रतिमूर्तिका रूपमा रहेको बडिकेदार शिला नजिकै ढुङ्गामा गाई र बाच्छाको मूर्ति समेत रहेको छ । मूर्ति रहेको स्थान भौगोलिक रुपमा बिकट अर्थात भिरको बिचमा रहेको छ । अन्य देवी देवताको मन्दिरमा भन्दा बडिकेदारमा बिभिन्न जातजाती भाषाभाषीहरुको समान आस्थाको केन्द्र बन्दै गएको छ । प्राय जसो सन्तान प्राप्त नभएका अधिकाँश महिला पुरुषहरु पुत्रलाभको कामना गर्दै बडिकेदारमा पुग्ने गर्दछन् । उक्त मेलमा पछिल्लो समयमा भारतको उत्तर प्रदेशबाट पनि तिर्थालु भक्तजनहरु आउने गरेका स्थानीयवासी तथा बडिकेदार क्षेत्र पर्यटन विकास तथा व्यवस्थापन समितिका अध्यक्ष देवबहादुर बोहराले जानकारी दिनुभयो । विमल विष्ट