डा. बाबुराम भट्टराईको १० हजार लिंदा प्रकाण्डलाई यस्तो तनाव
माओवादी केन्द्रले क्रान्ति र जनयुद्धलाई धोका दिएको भन्दै आएको नेत्रविक्रम चन्द ‘विप्लव’ नेतृत्वको नेपाल कम्युनिस्ट पार्टी (नेकपा)का प्रवक्ता खड्गबहादुर विश्वकर्मा (प्रकाण्ड) का कारण पार्टीभित्र ठूलो विवाद भएको छ ।
चन्दा, अपहरण, बम आतंकलगायतका आरोपमा पक्राउ परेर झण्डै एक महिना थुनामा बसेका प्रकाण्डले अहिले चन्दा आतंक मच्चाउन थालेको बताइन्छ । टेकु प्रहरीमा रहेका बेला प्रकाण्डलाई नयाँ शक्ति पार्टी नेपालका संयोजक डा।बाबुराम भट्टराईले भेटेका थिए ।
भेटका बेला डा।भट्टराईले प्रकाण्डलाई खानपिनका लागि भनेर दश हजार दिएको नेकपाका एक नेताले बताए । डा।भट्टराईले प्रकाण्डलाई दश हजार दिएको सूचना पाएपछि विप्लवले किन पैसा लिएको भनेर गाली गरेको स्रोतले जनाएको छ ।
अवैध रुपमा चन्दा उठाएर ठूला व्यापारीहरूलाई आजित बनाएका प्रकाण्डले फेरि पनि चन्दा आतंक चलाउन थालेका छन् । स्रोतका अनुसार आफ्ना निकटका केही नेताहरूलाई उठ्न बाँकी चन्दा उठाउन निर्देशन दिएका छन् ।
गृहजिल्ला जाजरकोट पुगेका प्रकाण्डले करोडौं रुपियाँ चन्दावापत उठाइसकेका छन् । उनले चन्दाको बास्तविक हिसाव किताव विप्लवलाई नदिने गरेको एक नेताले बताए ।
चन्दाको पैसाकै कारण विप्लव र प्रकाण्डबीच विवाद हुँदै आएको छ । विप्लवले प्रकाण्डसँग हिसाव किताव माग गर्दै आए पनि प्रकाण्डले विभिन्न बहाना बनाएर छल्दै आएको आरोप छ ।
चन्दाकै पैसाको हिसाव किताव माग गर्न थालेपछि प्रकाण्डले विप्लवलाई धम्काउन जनवर्गीय संगठनहरूमा आफू निकटका नेताहरूलाई राखेर समानान्तर संगठन बनाएको आरोप पनि छ । प्रकाण्डमा सुधार नभए विप्लवले कारबाही गरेर पार्टीबाट निस्काशन गर्नेसम्मको योजना बनाएको स्रोतले दाबी गरेको छ ।
