यती एयरलाइन्सको जहाजभित्रै युवतीको मृत्यु, १३ दिनपछि यसरी बाहिरियो घटना

 

यती एयरलाइन्सको जहाजभित्रै एक किशोरीको मृत्यु भएको छ । तर, ती युवतीको मृत्युको खबर १३ दिनपछि मात्र बाहिरिएको छ ।

 

भैरहवाबाट काठमाडौं आउँदै गरेको यती एयरलाइन्सको जहाजमा सवार कपिलवस्तुकी ३० वर्षीया पुष्पा राईको मृत्यु भएको हो । असोज ५ गते यती एयरको दिउँसो २ बजेर ५५ मिनेटको उडानबाट काठमाडौं आउँदै गर्दा उनको जहाजमै मृत्यु भएको मृतक राईको पारिवारले जानकारी दिएका छन् । तर, उनको मृत्युलाई गुपचुप राखिएको थियो ।

 

यती एयरको एटीआर ७२–५०० नामक ७२ सिट क्षमताको जहाजमा यात्रा गरिरहेकै रायमाझी भैरहवाबाट जहाज उडेको १० मिनेटमै अचेत भएको र उपचारमा ढिलो हुँदा मृत्यु भएको परिवारले आरोप लगाएका छन् ।

 

विमान चढेको १० मिनेटमै अचेत भएर ढलेकी पुष्पालाई जहाज कम्पनीले भैहरवा नै फकाएर छिटो उपचार गराउनेतर्फ ध्यान नदिंदा उनले ज्यान गुमाउनु परेको मृतक पुष्पाका काका विष्णुबहादुर रायमाझीले बताए ।

 

पुष्पा, उनकी फुपू माया खड्का र ७८ वर्षीय हजुरआमा दाँतको उपचारका निम्ति काठमाडौं आउँदै थिए । यती एयरलाइन्सले लुकाउन चाहेको यो घटना मृतकका परिवारले १३ दिनपछि सार्वजनिक गरेका हुन् ।

 

मृतक पुष्पाका आफन्त यतीको कमजोरीका कारण जहाजभित्रै पुष्पाको मृत्यु भएको दाबीसहित बुधबार यती एयरलाइन्समा डेलिगेसन गएका छन् । पुष्पाको परिवारले आफूहरूलाई क्षतिपूर्ति दिनुपर्ने, बिमा रकम उपलब्ध गराउनुपर्ने तथा यस्ता लापरबाही भविष्यमा गर्न नहुनेसहितको माग गरेको बाबुराम रायमाझीले बताए ।

 

भैरहवा–काठमाडौंको करिब ३५ मिनेटको उडान भएकाले त्रिभुवन अन्तर्राष्ट्रिय विमास्थलमा अवतरण गर्नुभन्दा छिटो भैरहवा पुग्न हुने भन्दै पुष्पाका आफन्तले यतीको लापर्बाही भएको दाबी गरेका छन् । पुष्पालाई त्रिभुवन विमानस्थलबाट सीधै एयरलान्इसले नै काठमाडौं मेडिकल कलेज पु¥याएको थियो ।

 

हस्पिटल लगेपछि पनि आफन्त कसैलाई भेट्न नदिइएको र भोलिपल्ट मात्रै मृत्यु भएको भन्ने बहाना बनाएको रायमाझीको दाबी छ । जहाज चढेको १० मिनेटमै पुष्पाले गाह«ो भयो भनेको मृतक पुष्पासँगै यात्रा गरेकी फुपू माया खड्का बताउँछिन् ।

 

यता यती एयरलान्इसका वरिष्ठ प्रबन्धक तथा प्रवक्ता भीमराज राईले भने हस्पिटल लगेर उपचार गरिरहेको अवस्थामा घटनाको भोलिपल्ट मात्रै पुष्पाको मृत्यु भएको दाबी गरेका छन् । ‘जहाज भैरहवाबाट उडेको १५ मिनेटपछि पुष्पालाई असहज भएको थियो ।

 

एयरलाइन्सका कर्मचारीले अक्सिजन दिएको र काठमाडौं टावरलाई खबर गरेर आकस्मिक अवतरणको अनुमति मागिसकेको थियो’, उनले भने । जहाजलाई भैरहवा लैजानुभन्दा काठमाडौंमै अवतरण गर्दा पाँच मिनेट छिटो हुने र काठमाडौंमै राम्रो उपचार हुने भएकाले क्याप्टेनले त्रिभुवन विमानस्थलमै अवतरणको निर्णय गरेको उनले बताएका छन् ।

 

पर्यटन गुरुयोजना तयार

जलजला गाउँपालिकाले पर्यटकीय गन्तव्यको पहिचान गरी गुरुयोजना तयार गरेको छ । गाउँपालिकाभित्र रहेका पर्यटकीयस्थलको प्रवद्र्धन गर्न चालू आर्थिक वर्षदेखि पूर्वाधार निर्माण गर्न योजना तयार पारिएको हो ।

 

पहिलो चरणमा बेनीदेखि हम्पाल लेकसम्मको पर्यटकीय पदमार्गको पहिचान गरिएको छ भने पदमार्गभित्र पर्ने पर्यटकीय तथा धार्मिक महत्वका स्थानलाई गाउँपालिकाको मुख्य ‘सर्किट रुट’ समेट्ने गरी काम शुरु गरिएको पूर्वाधार समितिका संयोजक देवेन्द्रबहादुर भण्डारीले जानकारी दिनुभयो ।

 

“पर्यटनको मुख्य आकर्षण पदमार्ग नै हो”, उहाँले भन्नुभयो, “धुले सडकको विकल्पमा धेरैले पदमार्ग रुचाउँछन् ।” जलजलाभित्र धेरै पर्यटकीय तथा धार्मिक महत्वका स्थान छन् । तिनको व्यवस्थित प्रचारप्रसार तथा भौतिक संरचनाको सम्भाव्यता अध्ययन थालिएको उहाँले बताउनुभयो ।

जलजला गाउँपालिकाका अध्यक्ष रामकृष्ण मल्ल पहिलो चरणमा बेनीदेखि हम्पाल लेकसम्मको पदमार्ग निर्माण गर्न थालिएको बताउनुहुन्छ । गण्डकी प्रदेशको पर्यटन मन्त्रालयको पहलमा भू–गर्भविद्सहितको प्राविधिक टोलीले गाउँपालिकाका मुख्य पर्यटकीय गन्तव्यको स्थलगत अध्ययनसमेत गरेको छ ।

 

जलजला गाउँपालिका–२ वारिबेनीदेखि मल्लाज, सर्षकुमाई, गिद्धेश्वर, पूर्णगाउँ, तारे, दीपको बराहताल, सिर्कु, कालाञ्जर पर्वत हुँदै हम्पाल लेकसम्मको पदमार्गको सम्भाव्यता अध्ययन गरिएको हो ।

 

सबै क्षेत्रको प्याकेज बनाई यहाँ घुम्न आउने पर्यटकलाई बिक्री गर्न सकिने अध्ययन टोलीले सुझाएको जलजाल–४ का वडाध्यक्ष भीष्म मल्ल बताउनुहुन्छ । बेनीदेखि ती सबै ठाउँको अवलोकन गराई हम्पालको लेकसम्मको यात्रा गराउन सकिन्छ ।

वारिबेनीबाट शुरु भएको यात्रा मल्लाज दरबार, भगवती कोट, जलजला–४ को गुफा, सर्सकुमाईस्थित ऋषिले तपस्या गरेको स्थान, शालिजाको दीपस्थित बराहतालको अवलोकन गराउँदै हम्पाल पुग्न सकिन्छ । हम्पालबाट फर्केपछि जलजला–५ स्थित फलामेडाँडामा भ्युटावर अवलोकन गराउने गाउँपालिकाको योजना छ ।

 

“फलामे डाँडामा भ्युटावरको उपयुक्त सम्भावना छ”, मल्लले भन्नुभयो, “समग्र अध्ययनका लागि आएको प्राविधिक टोलीले पनि उपयुक्त भनेको छ । त्यो प्रक्रियामा हामी जुटिसकेका छौँ ।” त्यहाँ बन्ने भ्युटावरबाट म्याग्दी, बाग्लुङ र मुस्ताङका अधिकांश स्थानको अवलोकन गर्न सकिन्छ । हम्पाल गएर फर्केका पर्यटकलाई भ्युटावरबाट लहरै मिलेका हिमशृङ्खलाको अवलोकन गराउन सकिन्छ ।

फलामेडाँडा पर्यटकका लागि आकर्षक गन्तव्यका रुपमा चिनिएको छ । बेनी, बागलुङ र कुश्माका व्यवसायी, कर्मचारी र विद्यार्थीसमेत शीतल खोज्दै त्यहाँ पुग्ने गरेका छन् । गर्मी छल्नका लागि बेँसीबाट पर्यटक आउने गर्छन् । डाँडाकटेरीका होमस्टेको अवलोकन र बासपछि पर्यटक बेनी फर्कने वा त्यहाँबाट घोडेपानी जान सक्छन् ।

 

गाउँपालिकाले हम्पालको लेकमा २२ रोपनी क्षेत्रफलमा ताल बनाउने योजनासमेत बनाएको छ । समुद्री सतहदेखि तीन हजार ३०० मिटर उचाइमा रहेको सो ठाउँमा झण्डै १२ हेक्टर समथर जमीन छ । हम्पालको लेकबाट दलदले जमीन हुँदै बगेको पानीले पूरै जमीन लचकदार भएकाले पनि यो स्थानको नाम जलजला रहन गएको स्थानीयको भनाइ छ ।

गण्डकी प्रदेशका उद्योग, पर्यटन वन तथा वातावरणमन्त्री विकास लम्सालको पहलमा हम्पालमा ताल निर्माण प्रक्रियासमेत थालिएको छ । यहाँ ताल निर्माण भएमा अन्नपूर्ण पदमार्गमा आउने अधिकांश पर्यटक जलजलाको कालाञ्जर पर्वत पुग्न सहज हुने अध्यक्ष मल्लले बताउनुभयो ।

 

“गुरुयोजनाको विस्तृत अध्ययन भइरहेको छ”, उहाँले भन्नुभयो, “सबै पूर्वाधार एकैपटक बनाउन सम्भव छैन । प्याकेजमा निर्माण गर्ने हो ।” अहिले दैनिक एक हजार बढी पर्यटक जलजलाकै बाटो भएर मुक्तिनाथ जाने गरेका छन् ।