बलात्कारी जोगाउन निर्दोषलाई यातना दिने निलम्बित एसपी विष्ट आफू पुगेको जिल्लामा यस्तोसम्म गरे, लाग्ला त दोषी पत्ता ?
प्रहरी सेवामा प्रवेश गरेपछि अधिकांश समय सुदुरपश्चिमका विभिन्न जिल्लामा पोस्टिङ भएका निल्मबित एसपी डील्लिराज विष्ट सधै विवादित रहेको तथ्य खुल्न आएको छ ।
उनी पुगेका अधिकांश जिल्लामा कुनै न कुनै विवादित घटनामा उनको संलग्नता रहेको पुष्टि भएको छ ।
कञ्चनपुर घटनाका बारेमा अन्तराष्ट्रिय रुपमै चासोको विडय बनेपछि प्रहरी महानिरिक्षक सर्वेन्द्र खनाल कञ्चनपुर पुगेर घटनामा छानविन हुने र अपराधी कुनैपनि हालतमा उम्किन नपाउने भन्दै निलम्बित एसपी विष्टलाई इङ्गित गर्दै, ‘नालायक नेतृत्वले लज्जित बनाएको छ, दोषी नै मानेर एसपीलाई निलम्बन गरिएको हो, या या यो घटनाले गम्भीर पाठ सिकाएको छ ।
निलम्बित एसपी विष्ट दुई वर्ष दार्चुलामा डीएसपीको रुपमा बसेको रेकर्ड जिल्ला प्रहरी कार्यालयमा छ । उनी ०६४ पुष ३० देखि ०६६ मंसिर १८ सम्म दार्चुला प्रमुख भएर कार्यालय चलाएको खवर समेत सार्वजनिक भएको छ ।
उक्त अवधिमा जिल्ला प्रहरी कार्यालयमै कार्यरत महिला प्रहरीमाथि दुर्व्यवहार गरेको आरोप लगाएरस्थानीयले जिप्रका घेराउ र आन्दोलन गरेपछि जिल्ला बाहिर तानिएको स्थानीयको भनाई छ ।
विष्ट कञ्चनपुर जिल्लाको प्रहरी प्रमुख बएको बेला दुहु गाँउपालिका ३ को ब्रहमदेव प्रहरी चाैकीमा प्रहरी हिरासतमा एक जनाको मृत्यु समेत भएको थियो ।
यस्ता कुरा गृहमन्त्री बादलको कानमा परेपछि बादलले महानिरिक्षक सर्वेन्द्र खनाललाई यसबारे गम्भीर भएर अनुसन्धान गर्न निर्देशन दिएका नेपालपानाले जनाएको छ ।
कानुनअनुसार नै पत्रकार बस्नेतको गिरफ्तारीः गृहमन्त्री
गृहमन्त्री रामबहादुर थापा बादलले कानुनअनुसार नै पत्रकार राजु बस्नेत पक्राउ परेका बताएका छन् । यसले प्रेस स्वतन्त्रता हनन नभएको बताए ।
राष्ट्रियसभामा सांसदहरुले उठाएको प्रश्नको जवाफ दिँदै गृहमन्त्री बादलले उजुरी परेपछि बस्नेतलाई पक्राउ गरिएको बताए । उनले भने, ‘सम्बन्धित निकायले कानुन बमोजिम नै कदम चालेको छ । यसले प्रेस स्वतन्त्रता हनन भयो भन्ने लाग्दैन ।’
पत्रकार बस्नेतलाई नेकपा नेताहरुबारे लेखिएको समाचारलाई लिएर पक्राउ गरिएको हो ।
कञ्चनपुरकी बालिका निर्मला पन्तको हत्या प्रकरणबारे राष्ट्रिय सभा बैंठकमा जवाफ दिँदै गृहमन्त्री रामबहादुर थापा ‘बादल’ले छानबिन अन्तिम चरणमा पुगेको बताएका छन् ।
बिहीवारको प्रतिनिधिसभा बैंठकमा प्रतिपक्षी नेपाली कांग्रेसका सांसद दिलेन्द्रप्रसाद बडूले जवाफ माग गरेपछि थापाले शुक्रवार जवाफ दिएका हुन् ।
‘घटनाको छानबिन करीब–करीब अन्तिम चरणमा पुगेको छ,’ गृहमन्त्री थापाले भने, ‘जनस्तरबाट गम्भीर चिन्ता पैदा भएको छ, दोषीमाथि कठोर कारवाही होस्, न्यायको कठघरामा परुन् र पीडितलाई न्याय मिलोस् भन्ने चिन्तामा गृहमन्त्रीको तर्फबाट सम्मान गर्छु र जिम्मेवारी रुपमा काम गर्न निर्देशन दिइएको छ ।’
गृहमन्त्री थापाले अपराधीहरु छिट्टै कानूनको कठघरमा उभिने बताएका छन् ।
उच्चस्तरीय छानबिन समितिका एक जना सदस्य उपसचिव विरेन्द्र केसीले राजीनामा दिएको सन्दर्भमा गृहमन्त्री थापाले गृह मन्त्रालयले शान्तिसुरक्षा दिने प्रतिवद्धता जनाएपछि केसी काममा फर्किएको बताए ।
‘उहाँको सुरक्षाका लागि हामीले प्रहरी खटाएका छौं,’ उनले भने । प्रतिपक्षीले सदनमा जवाफ मागेपछि गृहमन्त्रीले जवाफ दिएका हुन् ।
