प्रकाण्डलाई प्रहरीले देश दौडाहामा लैजाँदै, भोजपुरबाट दाङ लगियो
नेन्द्र विक्रम चन्द विप्लव नेतृत्वको नेपाल कम्युनिष्ट पार्टीका प्रवक्ता खड्गबहादुर विश्वकर्मा प्रकाण्ड लाई हेटौँडाबाट दाङ लगिएको छ ।
प्रहरीले बिहिबार राति उनलाई हेटौंडा ल्याएको थियो । पटक पटक सर्बोच्च अदालतको आदेश अवज्ञा गरी पक्राउमा परेका प्रकाण्डलाई भोजपुरबाट हेटौँडा ल्याइएको थियो ।
जिल्ला अदालत भोजपुरमा थुनछेक बहसपछि रिहा गर्न आदेश दिए पनि पक्राउ परेका प्रकाण्डलाई दाङ लैजाने क्रममा हेटौँडा ल्याइएको प्रहरीले जनाएको छ ।
प्रकाण्डलाई विभिन्न जिल्लामा विष्फोटक पदार्थ, आगजनी र ज्यान मार्ने उद्योगको मुद्दा अन्तरगत प्रहरीले अदालतमा उपस्थित गराउँदै आएको छ ।
नुवाकोटमा रहेका प्रकाण्डलाई मंगलबार काठमाडौंबाट विराटनगरसम्म विमानबाट र त्यहाँबाट गाडीको बाटो हुँदै राति ११ बजे भोजपुर पुर्याइएको थियो ।
यसअघि उनलाई काठमाडौं, काभ्रे र नुवाकोटमा विभिन्न अभियोगमा मुद्दा चलाइएको थियो ।
