प्रचण्डद्वारा ओलीमाथि यस्तो हानिकारक अस्त्र प्रहार



 

सत्तारुढ नेपाल कम्युनिस्ट पार्टी (नेकपा)का दोस्रो तहका अध्यक्ष पुष्पकमल दाहाल ‘प्रचण्ड’ले वर्तमान सरकारको कामकारबाहीप्रति असन्तुष्टि जनाएपछि प्रधानमन्त्री केपी ओली तर्सिएका छन् ।

 

प्रचण्डको सार्वजनिक असन्तुष्टिले ओलीको मनमा चिसो पसेको हो । प्रचण्ड भारत र चीनको भ्रमणमा पनि जाँदै छन् । यसअघि सिङ्गापुरमा बिताएर आएका प्रचण्डको भारत र चीन भ्रमणलाई ओलीले रुचाएका छैनन् ।

 

ललितपुरको खुमलटारस्थित निवासमा प्रचण्डले सीमित पत्रकारहरूलाई बोलाएर सरकारको कामकारबाही ठीक नभएको भनेर आलोचना गरेपछि ओली र प्रचण्डबीच ठीक चलेको छैन भन्ने धेरैले अड्लबाजी गरेका थिए । प्रचण्डले आवश्यक पर्‍यो भने सरकारमा फेरबदल गर्ने जनाएका छन् ।

 

प्रचण्डले भनेको फेरबदल प्रधानमन्त्रीसहितको सेट फेर्ने हुन् वा मन्त्रीहरूलाई मात्रै परिवर्तन गर्ने हो स्पष्ट पारिएको छैन ।

 

सरकारको कामकारबाही जनताले चाहेअनुसारको हुन नसकेको भनेर प्रचण्डको आलोचना आएपछि ओलीले आफू निकटका नेताहरूसँग पूर्वमाओवादीका नेताहरूको गतिविधिलाई निगरानीमा राख्न निर्देशन दिएको स्रोतले जनाएको छ ।

 

मन्त्रीहरूलाई भन्दा पनि प्रचण्ड प्रधानमन्त्री ओलीतिर निशाना लगाएको धेरैको अनुमान छ । ओलीसँग आफ्नो कुनै पनि तिक्तता वा विवाद छैन भन्ने गरेको प्रचण्डले । त्यो उनको बाध्यता हो ।

 

ओली अहिले शक्तिशाली छन् । ओलीलाई चिढ्याउनु भनेको प्रचण्डको राजनीति ओरालो लाग्नु हो । प्रधानमन्त्री ओलीको विरोध नगर्ने भन्दैमा प्रचण्ड चुपलागेर बस्ने व्यक्ति होइनन् ।

 

भारत र चीन भ्रमणका बेला ओली सरकारविरुद्ध केही न केही योजना बन्न सक्ने आशंका पूर्वएमालेको छ । ओलीलाई हटाएर प्रचण्डले सत्ता र पार्टीको नेतृत्व लिन चाहेका छन् ।

प्रचण्ड बिहीबार नयाँदिल्ली जाँदै छन् । दिल्लीमा प्रचण्डले भारतीय नेताहरूसँग भेट्ने कार्यक्रम छ ।रिपब्लिका दैनिकबाट

एकल अध्यक्ष बन्न यस्तो छ प्रचण्डको कसरत

प्रचण्ड यतिमा मात्र सीमित देखिएनन्, उनी छिमेकी मित्रराष्ट्र भारतको एकलौटी सद्भाव प्राप्त गर्ने र सङ्घीय समाजवादी फोरम (उपेन्द्र यादव) लाई पार्टीमा मिलाएर आफ्ना निम्ति अझै अनुकूल परिस्थिति निर्माण गर्न पनि लागिपरेका छन् । भारतसँग समझदारी बढाउन प्रचण्ड यही भदौ २१ गते बिहीबार नयाँदिल्ली जाँदै छन् ।

 

फोरम अध्यक्षसमेत रहेका उपप्रधानमन्त्री उपेन्द्र यादव गत आइतबार (भदौ १७ गते) नै नयाँदिल्लीतर्फ प्रस्थान गरिसकेका छन् ।

 

नयाँदिल्लीमा दुई दिनसम्म चल्ने स्वास्थ्यसम्बन्धी एक अन्तर्राष्ट्रिय कार्यक्रममा सहभागी हुन दिल्ली गएका यादवसँग दिल्लीमै भेटेर विस्तृत एवम् निर्णायक वार्तालाप गर्ने योजना प्रचण्डको रहेको बुझिएको छ ।

 

एक सूत्रले जनाएअनुसार प्रचण्डले उपेन्द्र यादवलाई निर्धारित कार्यक्रम सकिएपछि पनि थप केही दिन दिल्लीमै रहन आग्रह गरेका छन् । प्रचण्डको आग्रहलाई स्वीकार गरे भने उपेन्द्र यादव भदौ २४ गतेसम्म नयाँदिल्लीमै रहनेछन् ।

 

भदौ २१ गते प्रचण्ड दिल्ली पुग्ने निश्चित भइसकेको छ र उनले त्यहाँ ‘साक्षी किनारामा कसैलाई राखेर’ यादवसँग विशेष समझदारी बनाउने योजना बनाएको बताइन्छ ।

 

नेकपाको आगामी महाधिवेशनभन्दा पहिले नै उपेन्द्र यादवलाई कम्युनिस्ट पार्टीमा समेट्न सक्दा पार्टीभित्र आफ्नो पल्ला भारी हुने बुझाइ प्रचण्डको रहेको छ ।

 

विगतमा जे–जस्ता कमी–कमजोरी भएको भए पनि अब त्यसप्रकारका कुनै पनि कमजोरी दोहोरिन नदिने र भारतसँग समझदारी बनाएर अघि बढ्ने सन्देश यसअघि नै प्रचण्डले विमलेन्द्र निधिमार्फत नयाँदिल्लीलाई दिएको भन्ने चर्चा दिल्लीमा यतिबेला व्याप्त भएको छ ।

२१ अगस्टमा भारतको प्रतिष्ठित पत्रिका हिन्दुस्तान टाइम्समा प्रशान्त झाले एक सामग्री प्रकाशित गर्दै प्रचण्डद्वारा दिल्लीलाई पठाइएको सन्देशबारे खुलासा गरेका छन् ।

 

झाले लेखेका छन्, ‘प्रधानमन्त्री रहेका बेला तात्कालिक गृहमन्त्री एवम् आफ्ना विशेष दूत विमलेन्द्र निधिमार्फत भारतीय प्रधानमन्त्री नरेन्द्र मोदीलाई प्रचण्डले आफूलाई खुला राजनीतिको अनुभव नभएकोले विगतमा कैयन गल्ती भएको र अब भविष्यमा त्यसप्रकारका गल्ती–कमजोरी दोहोरिन नदिन सचेत रहने सन्देश दिएका थिए ।

 

’ यसपटकको भारत भ्रमणको क्रममा यसैअनुरूप सन्देश दिँदै प्रतिबद्धता जनाउने र भारतको विश्वास पुनः प्राप्त गर्ने योजनामा प्रचण्ड रहेको बताइएको छ । भनिन्छ, उपेन्द्र यादवलाई कम्युनिस्ट पार्टीमा समाहित गराउनसमेत प्रचण्डले भारतको साथ खोजेका छन् ।

 

आफ्नो यस अभियानमा सफलता प्राप्त भए तत्काल यादवसँग पार्टी एकीकरणको प्रक्रिया शुरु गर्ने सोच प्रचण्डले बनाएका छन् । उता प्रधानमन्त्री केपी शर्मा ओलीलाई भने प्रचण्डले उपेन्द्र यादवलाई पार्टीमा भित्र्याउन सके ‘सरकार मजबुत हुने र काम गर्न सजिलो हुने’ तर्क दिँदै आएका छन् ।

 

सरकार बलियो र स्थिर रहने कुराले केपीलाई प्रभावित गर्ने भएकोले प्रचण्डले त्यसप्रकारको तर्क दिँदै उपेन्द्र यादवसँगको एकीकरण प्रक्रियामा केपीको साथ–सहयोग प्राप्त गर्ने प्रयास गरेको बुझिन्छ । तर, प्रचण्डले जसलाई जे तर्क दिए पनि उनी नेकपाको एकलौटी अध्यक्ष बन्ने कुरामा मात्र केन्द्रित छन् । प्रचण्डको यस्तो योजनामा केपीको साथ कुन हदसम्म रहने हो सो भने प्रतीक्षाको विषय बनेको छ ।

प्रचण्डले किन छोट्याए भारत भ्रमण ? यस्तो छ कारण

नेपाल कम्युनिस्ट पार्टी (नेकपा) का अध्यक्ष पुष्पकमल प्रचण्डले भारत भ्रमण छोट्याएका छन् ।

पार्टी सचिवालय र स्थायी कमिटी बैठकका लागि उनी पूर्वनिर्धारित कार्यतालिकाको तीन दिन अगावै स्वदेश फर्किने भएका छन् ।

प्रचण्ड भोलि भारत भ्रमणमा जाँदैछन् । उनी २६ गते र्फकने तय भएको थियो ।

तर, प्रचण्ड र पार्टीका अर्का अध्यक्ष एवं प्रधानमन्त्री केपी शर्मा ओलीबीच भएको छलफलपछि २४ र २५ गते सचिवालय र २६ र २७ गते स्थायी कमिटी बैठक बोलाइएको छ ।

यो बैठकमा पार्टी एकताका साथै सरकारको कामकारबाहीको समिक्षा गर्ने एजेण्डा छ । बैठककै लागि प्रचण्डले भारत भ्रमण तीन दिनमा छोट्याएका छन् ।

उनी २३ गते नै स्वदेश र्फकने र २३ गते सचिवालय बैठक बस्ने नेताहरुको बताएका छन् ।

विप्लवमाथि किन डण्डा हान्दैछन गृहमन्त्री थापा, यस्तो छ कारण

प्रमुख सत्तारुढ दल नेपाल कम्युनिष्ट पार्टी (ने क पा) सँग मिल्दो जुल्दो नाम गरेको अर्को पार्टी नेपाल कम्युनिष्ट पार्टी (नेकपा) बीचको द्वन्दले अहिले राष्ट्रिय राजनीतिलाई तरंगित गराइदिएको छ ।

तत्कालीन नेकपा एमाले र नेकपा माओवादी केन्द्र मिलेर गठन भएको पार्टीको नाम नेकपा राखिएको थियो । आफूसँग मिल्दो जुल्दो नाम राखेको भनेर विप्लव नेतृत्वको नेकपाले आपत्ति जनाएको थियो । तर निर्वाचन आयोगमा दर्ता नभएका कारण उसको आपत्ति प्रभावहीन भयो ।

नेत्रविक्रम चन्द ‘विप्लव’ले नेतृत्व गरेको नेकपाका प्रभावशाली नेतादेखि कार्यकर्तासम्म धमाधम पक्राउ परेका छन्, यतिवेला ।

 

सबभन्दा रोचक बिषय त पक्राउ परेका विप्लवको पार्टीका प्रवक्ता ‘प्रकाण्ड’ भनिने खड्गबहादुर बिक सर्वोच्च अदालतले रिहाइ गर्ने र लगत्तै पक्राउ पर्ने गरेका छन् । पक्राउ पर्ने र पक्राउको आदेश दिने पूर्व माओवादी हुन् । उनी चौथो पटक अदालतको आदेश लगत्तै पक्राउ परेका छन् ।

 

राजनीतिको मूल जरो त्यही हो— माओवादीको नेतृत्वमा २०५२ सालदेखि भएको दशबर्षे सशस्त्र जनयुद्ध । त्यही जनयुद्धको जगबाट आएका रामबहादुर थापा ‘बादल’ वर्तमान सरकारमा गृहमन्त्री छन् र विगतमा उनलाई ‘महान नेता’ भन्ने प्रकाण्ड पक्राउ परेको परेइ छन् । पक्राउ पर्ने डरले विप्लव अर्थभूमिगत जस्तै छन् ।

 

तत्कालीन एकीकृत माओवादीले क्रान्तिकारी धार छाडेको भन्दै रामबहादुर थापा र विप्लवहरु मिलेर पुष्पकमल दाहाल प्रचण्डले नेतृत्व गरेको माओवादीको मूलधारबाट अलग्गिएर नयाँ पार्टी खोले, मोहन बैद्यको नेतृत्वमा । नामको बिचमा ड्यास राखिएका कारण वैद्यले नेतृत्व गरेको माओवादीलाई ‘ड्यास’ माओवादी भनियो ।

 

बूढाहरुले क्रान्ति गर्न नसक्ने आरोप लगाउदै वैद्य र बादलले नेतृत्व गरेको माओवादीबाट अलग्गिएर विप्लव समूहले क्रान्तिकारी माओवादीको नाममा अर्को पार्टी खोल्यो । उता बादल, देव गुरुङ लगाय वैद्य नेतृत्वमा रहेकाहरु प्रचण्ड नेतृत्वको तत्कालिन एकीकृत माओवादी मै फर्किए । अहिले पुरानै पार्टीमा फर्किएका वादल, गुरुलगायतले लाभको पद उपयोग गरिरहेका छन् ।

 

माओवादी जनयुद्धको उदगमथलो रोप्मामा विस्तारित बैठक गरी विप्लव समूहले आफ्नो पार्टीको नाम नेकपा राख्ने निर्णय गर्यो । पार्टीको निर्णय सार्वजनिक गर्न काठमाडौंमा आयोजित कार्यक्रममा विप्लव लगायतका नेताहरु माओले नेतृत्व गरेको चिनियाँ जनमुक्ति सेनाकै जस्तो पोसाकमा खुल्लामञ्चमा देखिए ।

 

राजनीतिमा ‘र्‍याडीकल धार’को नेतृत्व गरेको भनिएपनि पछिल्लो समयमा विप्लव नेतृत्वको पार्टीका क्रियाकलाप चन्दा उठाउनमा उद्धत रहेको सरकारको आरोप छ ।

 

क्रान्तिका लागि भन्दै चन्दा रकम उठाएकै आरोपमा विप्लवको पार्टीका प्रवक्ता पक्राउ परेका छन् । प्रकाण्ड पक्राउको भोलिपल्ट चितवनमा पत्रकारलाई प्रतिक्रिया दिँदै गृहमन्त्री रामबहादुर थापा वादलले प्रकाण्डले आपराधिक काम गरेकोले पक्राउ गरिएको बताएका थिए । उनले गैर कानूनी चन्दा उठाउने आपराधिक काम भएको टिप्पणी गरेका थिए ।

 

प्रक्राउ परेका प्रकाण्ड स्वयमले भने आफ्नो हातमा लगाइएको हतकडी देखाउँदै ‘प्रतिक्रान्ति’को नमुना भनेका थिए । विप्लव समूह अहिले प्रचण्ड र बादलसँग रुष्ट देखिएका छन् । प्रकाण्डपछि उमा भुजेल लगायतका प्रभावशाली नेताहरु पक्राउ परेका छन् । पक्राउ पर्ने डरले विप्लव लगायत सो पार्टीका नेताहरु अहिले सम्पर्कमा छैनन् ।

 

राजनीतिक समाधान कि प्रशासनिक कारवाही ?

मंसिरको चुनावका लागि विप्लव समूह सुरक्षा थ्रेट रहेको विश्लेषण भएपनि छिटफुट विस्फोटका घटना बाहेक चुनाव नै विथोल्ने गतिविधि उनीहरुले गर्न सकेनन् वा गरेनन् । पछिल्ला दिनमा विप्लव समूहका गतिविधी बढेको र उनीहरुले सैन्य तालिम गर्न लागेको आशंका सरकारले गरेको सरकारी सुरक्षा स्रोतको दाबी छ ।

 

प्रकाण्ड पक्राउको विरोधमा साउन २७ गते आयोजना गरिएको बन्दका क्रममा नेकपाका कार्यकर्ताले काठमाडौंकै कतिपय स्थानमा उनीहरुले प्रेसरकुकर बम राखे भने काठमाडौं बाहिरको जनजीवन भने नराम्रोसंग प्रभावित भयो । कार्यशैलीमा प्रश्न उठाउन सकिएपनि विप्लवको पार्टी राजनीतिक समूह हो भन्नेमा त दुईमत छैन् ।

 

पटक पटक मन्त्री भइसकेका प्रकाण्ड र अन्य नेता कार्यकर्तामाथि भइरहेको गिरफ्तारीले सरकार विप्लव समूहलाई राजनीतिक भन्दापनि प्रशासनिक ढंगले कारवाही गर्न उद्यत भएको देखिएको छ ।
पूर्वप्रधानमन्त्री एवं विगतमा विप्लससंगै राजनीति गरेका बाबुराम भट्टराइले प्रकाण्ड गिरफतारीको विरोध गर्दै आएका छन् ।

 

पञ्चायतकालमा जस्तो दुःख दिने नियतले राजनीतिक व्यक्तिमाथि गैर राजनीतिक धरपकड गरिएको भट्टराइले टिप्पणी गर्दै आएका छन् । उसोत भट्टराईले रेशम चौधरीको पनि रिहाइको माग गरिरहेका छन् ।

 

विप्लव र स्वतन्त्र तराइको वकालत गरिरहेको सीके राउत समूहसंग वार्ता गर्न भनेर सरकारले पूर्वमन्त्री एवं सांसद सोमप्रसाद पाण्डेको संयोजकत्वमा वार्ता टोली गठन गरेको छ । सुरेश आले मगर र लीला भण्डारी सदस्य रहेको टोलीले भदौ १३ गतेदेखि काम शुरु गरिसकेको छ ।

‘तीनवटा समूहसँग गम्भीर प्रकारको वार्ता गरिसकेका छौ, केही समूह सम्पर्कमा छन् र केहीसँग राजनीतिक सुत्र मार्फत सम्पर्कको प्रयास भइरहेको छ’ वार्ता टोलीका संयोजक पाण्डेले लोकान्तरसँग भने । वार्ता टोलीलाई द्वन्द्वरत समूहसँग वार्ता गर्ने जिम्मेवारी दिइएको छ ।

विप्लव समूह भने सरकारले गठन गरेको वार्ता टोलीले आफूहरुका माग सम्वोधन गर्नेमा संशकित छ । वार्ता टोलीका सदस्यहरु भने आफूहरुले विप्लव समूहका माग समेत सम्वोधन गर्ने अख्तियारी पाएको दावी गर्छन् ।

 

विप्लवका क्रियाकलापप्रति प्रधानमन्त्री केपी शर्मा ओली र नेकपाका अध्यक्ष प्रचण्डले पटक पटक असहमति जनाइरहेका छन् । प्रधानमन्त्री ओलीले केही दिन अघि बालुवाटरमा पत्रकारहरुसँगको कुराकानीमा हिंसालाई कुनै पनि हालतमा स्वीकार गर्न नसकिने भन्दै विप्लवलगायतका समूहमाथि निगारी बढाइने संकेत गरेका छन्।

 

नेकपाकै अर्का अध्यक्ष तथा विप्लवका पूर्वं ‘सुप्रिम कमाण्डर’ प्रचण्डले तत्कालका लागि क्रान्तिको आवश्यकता नभएको बताउने गरेका छन् ।  ‘राजतन्त्र फालेर गणतन्त्र आइसकेपछि फेरि के को लागि क्रान्ति ?’ प्रचण्डले प्रश्न गरेका छन् ।

 

विप्लव समूहका माग सम्वोधनका लागि वार्ता गर्ने तर सहमतिमा नआए प्रकाण्डलाई जस्तै प्रशासनिक कारवाही मार्फत उनीहरुलाई ठेगान लगाउने नीति सरकारले अख्तियार गरेको सत्तारुढ नेकपाका एक नेता बताउँछन् ।

 

विप्लवको धम्कीका कारण जलविद्युत लगायतका आयोजना निर्माण प्रभावित हुने गरेको भन्दै सरकार उनीहरुलाई सकेसम्म राजनीतिक संवाद र नभए प्रशासनिक कारवाहीको डण्डा लगाउने रणनीतिमा देखिन्छ ।

 

‘कसैको राजनीतिक महत्वकाक्षा पूरा गर्ने बाहानामा हुने विध्वसात्मक गविविधि नियन्ण गर्न राज्यको कर्तव्य हुन आउछ’ विप्लव समूहप्रति सरकारको रणनीतिवारे सत्तारुढ दलका एक नेता भन्छन् ।

‘विप्लव समूहसंग सम्पर्क सुत्रमार्फत कुरा भइरहेको छ, वार्ता मार्फत नै समस्याको समाधान निस्कनेमा हामी आशावादी छौ’  लोकान्तरले जनाएको छ ।

३१ अर्ब रुपैयाँ गोलमाल गरेर गरिबी निवारण कोषका उपाध्यक्ष थापाले गरे राजीनामा

 

गरिबी निवारण कोषका उपाध्यक्ष यामबहादुर थापाले कोष अध्यक्ष तथा प्रधानमन्त्री केपी ओलीसमक्ष राजीनामा दिएका छन् । कोषको करिब ३१ अर्ब रुपैयाँको हिसाबकिताबको अभिलेख रहेको सफ्टवेयर नष्ट भएपछि विवादमा आएका उपाध्यक्ष थापाले प्रधानमन्त्री कार्यालयका सचिव लालशंकर घिमिरेमार्फत प्रधानमन्त्री केपी ओलीसममक्ष राजीनमा दिएका हुन ।

 

स्रोतका अनुसार थापाले सचिव घिमिरेलाई इमेलमार्फत राजीनामा दिएका हुन । उपाध्यक्ष थापाले दिएको राजीनामा पत्रमा घरायसी कारणले कोषमा काम गर्न नसक्ने जनाएका छन ।

 

विगत १८ महिनाको अवधिमा कोषको प्रभावकारिताकै लागि काम गरेको भन्दै उपाध्यक्ष थापाले राजीनामा पत्रमा भने २० भदौमा मिति उल्लेख गरेका छन् । १९ भदौ साँझ कोषका भएको वैठकमा समेत राजीनामा संकेत दिएका थिएनन । साथै, थापाले कोषको लेटरप्याड नभई सादा पानामा राजीनामा लेखेका छन् ।

अध्यक्ष प्रचण्डले भने एक हत्ताभित्र केहि मन्त्री हेरफेर हुन्छ, क कस्को हुने भयो जागीर चट्

जनचाहना अनुसारको बजेट नआएको भन्दै बिपक्षीहरुले कुरा उठीरहेको बेलामा नेकपामा पनि यो बिषयले प्रवेश पाएको छ ।

बजेट राम्रो ल्याउन नसकेको आरोप खेपिरहेका अर्थमन्त्रीले पछिल्लो समयमा स्थानीय निकायले उठाएको करमा पनि बिबाद आएपछि अर्थमन्त्रीको राजीनामा माग्न थालेका छन ।

नेकपाभित्र नै अर्थमन्त्रकिो राजीनामाको कुरा उठेपछि अध्यक्ष प्रचण्डले पनि चासो दिएपछि प्रधानमन्त्री ओलीले नयाँ अर्थमन्त्रीको खोजी गर्न थालेको स्रोतको दाबी छ । अब आउने बजेट तयारी अगावै अर्थमन्त्री युवराज खतिवडाको जागीर जाने पक्का भएको स्रोतको दाबी छ ।

नेपाल कम्युनिष्ट पार्टी (नेकपा) का अध्यक्ष पुष्पकमल दाहाल ‘प्रचण्ड’ ले एकाएक मन्त्रीहरुको काम र गतिविधिहरुको बारेमा समीक्षा भइरहेको बताएका छन् ।

 

उनले मन्त्रीहरुका विषयमा केहि दिनभित्रै कडा कदम चाल्ने तयारी भइरहेको समेत खुलासा गरेका छन् । मंगलबार आफ्नै निवासमा सञ्चारकर्मीहरुसँग छलफल गर्दै अध्यक्ष प्रचण्डले अहिलेको क्याबिनेटमा रहेका मन्त्रीहरुका विषयमा समीक्षा भइरहेको बताएका हुन् । पूर्व प्रधानमन्त्री समेत रहेका प्रचण्डले सरकारका विषयमा प्रधानमन्त्री केपी ओलीसँग मिलेर समीक्षा शुरु भएको बताएका हुन् ।

 

मन्त्रीहरुलाई सचेत बनाउँदै उनले जनताको पक्षमा काम नगर्नेका बारेमा सोच्न सकिने बताए । ‘यो पार्टी वा त्यो पार्टी भन्ने छैन, दुबै अध्यक्ष मिलेर समीक्षा गरिरहेका छौं’, उनले भने, ‘समय आएपछि कडा कदम चालिने छ ।’ उनले आजै प्रधामन्त्री ओलीसँग सरकार र पार्टी एकताको विषयमा छलफल हुने जानकारी दिएका छन् ।

राष्ट्रिय ट्रमा सेन्टरमा कार्यरत डा. भोजराज अधिकारीलाई अपहरण शैलीमा गृहमन्त्रालयमा लगेर दुर्व्यवहार गरिएको घटनाले विवाद चरमचुलीमा पुग्यो ।

 

त्यसअघि विदेश भ्रमणमा जान लागेका नेपाल संस्कृत विश्वविद्यालयका उपकुलपति कुलप्रसाद कोइरालालाई विमानस्थलबाट फर्काइएको घटनालाई लिएर सरकारको चर्को आलोचना भएको थियो ।

 

ट्रमा सेन्टरमा कार्यरत रहेकै अवस्थामा चिकित्सा आचारसंहिता र तोकिएको नियम, नियमावलीविपरीत गलत रिपोर्ट बनाउन दिइएको दबाब अस्वीकार गरको भन्दै डा. अधिकारीलाई गृहमन्त्रीको आदेशमा अपशरण शैलीमा गृह मन्त्रालय पुर्‍याइएको भन्दै चिकित्सक संघले विज्ञप्ति नै निकालेर विरोध जनायो ।

 

पछिल्लो पटक संयुक्त राष्ट्रसंघको प्रमाणीकरणमा अयोग्य ठहरिएका पूर्वलडाकुलाई विमानस्थलबाट फर्काइएको घटनालाई लिएर सामाजिक सञ्जालमा गृह प्रसाशनको आलोचना भइरहेको छ ।

 

सरकारले जतिसुकै बचाउ गरेपनि श्रृङ्खलाबद्ध ढंगले भइरहेका यस्ता घटनाले अन्तर्राष्ट्रिय समुदायमा सरकारको छवि धुमिल भइरहेको छ ।

 

लोकतान्त्रिक खुला समाजमा व्यक्तिको आवतजावत गर्न पाउने अधिकार कुण्ठित गरिएको तथा प्रवेशाज्ञा लिएर कुनै कार्यक्रममा जान लागेको व्यक्तिलाई रोक्न खोज्दा सरकार निरंकुश बन्न लागेको त होइन भन्ने आशंकालाई मलजल गर्न खोजेको छ ।

 

गृहमन्त्री स्वयंले पत्रकार सम्मेलन गरी काठमाडौंका विभिन्न क्षेत्रलाई विरोध प्रदर्शनमा रोक लगाउन गरेको निर्णय अदालतसम्म पुग्यो र सरकारको निर्णयमा अदालतले अंकुश लगाइदियो ।

 

प्रतिनिधिसभा निर्वाचनमा आफूले रोजेको क्षेत्र नपाएको भन्दै चुनाव नलडेका रामबहादुर थापा राष्ट्रियसभाको सदस्य बनेर गृह प्रसाशनको नेतृत्वमा पुगे । असार ४ गते भएको गोलाप्रथामा थापाको कार्यकाल पूरै ६ वर्ष पर्‍यो । त्यसअर्थमा रामबहादुर थापा भाग्यमानी ठहरिए । तर उनले गर्न खोजेका काम एकपछि अर्को गरी विवादमा पर्दै गए ।

 

गृहमन्त्रीको कामकाजका विषयलाई लिएर सदनमै आवाज उठ्न थाले । प्रतिपक्षी दलका एक सांसदले त बादललाई ‘सिंघम होइन डन’ भनेर समेत टिप्पणी गरे ।

 

फागुन ३ मा प्रधानमन्त्री नियुक्त केपी शर्मा ओली नेतृत्वको सरकारको ६ महिना पूरा भएको छ ।

५ महिने कार्यकालको फेहरिस्त पुस्तक नै बनाएर प्रकाशित भएपनि ओली सरकारको ६ महिनामा जनताले अपेक्षित परिवर्तनको अनुभूति गर्न पाएका छैनन् ।

 

नेकपाका एक नेता भन्छन्– ‘प्रतिकूल स्वास्थ्यका बाबजुद प्रधानमन्त्री ओली दैनिक १८ घण्टासम्म काममा खटिएका छन् । भाषणैपिच्छे जनताको जीवनमा परिवर्तन र समृद्धिको कुरा गरेका छन् ।

 

तर उनका सहयात्रीको काम भने सोही अनुरूपमा छैनन् । सरकार कताकता कुहिरोमा रुमल्लिएको कागजस्तो भएको छ । मेशिनरीले राम्ररी काम नगरेपछि प्रधानमन्त्रीले एक्लै केही गर्न सक्दैनन् ।’

 

संसदमा दुईतिहाइ बहुमत सहितको बलियो सरकार भएपनि जनताले त्यसको महसुस गर्न सकिरहेका छैनन् । बजार बिचौलियाले चलाइरहेका छन् । त्यसको ज्वलन्त उदाहरण कालीमाटी तरकारी बजारको अनुगमनमा सरकारी टोली थुनिएको र बुटवलमा अनुगमनको विरोधमा सुन पसल बन्द गरिएको घटना स्मरण गरे पुग्छ ।

 

कतिपय स्थानीत तहले स्वैच्छाचारी ढंगले बढाएको करका कारण ओली सरकार आलोचनाको शिकार भएको छ ।

 

नेकपाका एक नेताका अनुसार मन्त्रीहरूको कार्यशैलीप्रति प्रधानमन्त्री स्वयं पनि सन्तुष्ट छैनन् । जनताको पक्षमा काम गर्न नसक्ने मन्त्रीलाई फेरबदल गर्ने सोचाइमा ओली रहेको पूर्व एमालेका एक नेता बताउँछन् ।

प्रदेश नम्बर पाँचका सांसद र प्रधानमन्त्री केपी शर्मा ओलीबीच बालुवाटारमा भएको भेटवार्ता सकिएको छ । भेटवार्तामा अर्थमन्त्री युवराज खतिवडाको राजीनामा माग गरिएको छ ।

 

दाङ क्षेत्र नम्बर १ का प्रदेशसभा सदस्य मेटमणि चौधरीले अर्थमन्त्रालयले सक्छ भने बजेटलाई करेक्सन गर्नुपर्छ, यदि त्यसो गर्न सकेन भने अर्थमन्त्री परिवर्तन हुनुपर्ने बताए ।  उनले भने, ‘अहिलेको बजेटले जनता खुसी छैनन् ।

 

जनतालाई खुसी बनाउन जनताको माग सम्बोधन गर्न सक्नुपर्छ । अर्थमन्त्रीले जनताको पक्षमा बजेट ल्याउन सकेनन् ।’ ‘सरकारलाई कमजोर बनाउँदैछन् भने उनी किन अर्थमन्त्री बन्ने ?’ सांसद चौधरीले प्रधानमन्त्री ओलीलाई प्रश्न समेत गरे ।

 

प्रधानमन्त्री केपी शर्मा ओलीले अर्थमन्त्री खतिवडाको राजीनामाबारे केही नबोलेको बताउँदै सांसद चौधरीले भने, ‘प्रधानमन्त्रीजीको बाध्यता थियो होला ।’   प्रधानमन्त्री ओलीको भनाई उद्धृत गर्दै उनले भने, ‘सरकारले गति लिने, अगाडि बढ्ने र कार्यक्रमहरुको योजना बनाइसकेको र टुंगोमा पुर्याउने काम भइसकेको छ ।’

 

भेटमा प्रधानमन्त्री ओलीले आगामी वर्षदेखि वृद्वा भत्तादेखि सामाजिक भत्ता बढाउने जनाएका छन् । ‘यो साल जे भइसक्यो, अर्को वर्षदेखि राम्रो गर्नेछु ।’ प्रधानमन्त्री ओलीले भने ।
त्यस्तै, भेटवार्तामा देशलाई कसरी गति दिन सकिन्छ, र खासगरी प्रदेश नम्बर पाँचलाई कसरी अगाडि बढाउन सकिन्छ भन्नेबारे छलफल भएको दाङ क्षेत्र नम्बर ३ प्रदेशसभा सदस्य हिराचन्द्र विष्टले जानकारी दिए ।

 

‘विगतको सरकारले हेर्दाखेरी देशलाई खोक्रो बनाएको थियो । यो देखिन्छ पनि,’ उनले भने, ‘स्थानीय निकायदेखि प्रदेश÷प्रतिनिधिसभासम्म हामी नयाँ संरचानाले अघि बढिरहेका छौं । त्यसकारण केही समय लाग्छ । त्यसपछि मुलुक नयाँ ढंगले अघि बढ्छ । यो सरकारले देश, जनता र राष्ट्रको पक्षमा काम गर्छ ।’

प्रधानमन्त्रीले पनि यस विषयलाई गम्भिर भएर सोचेको उनले बताए । भेटमा बाटोघाटो अवारेध भएका कुराहरुलाई पनि जोड दिएका उनले बताए ।

प्रदेशसभा सदस्य सोमप्रसाद पाण्डेले भने, ‘हामीले जुन आश गरेर प्रधानमन्त्रीलाई भेटेका थियौं,  त्यो आश चाहिँ पुरा हुने खालको हामीले पाएका छौं ।’ उनले भने, ‘प्रधानमन्त्रीजी पनि त्यसमा चिन्तित हुनुहुन्छ ।’

प्रेस काउन्सिलद्वारा ‘क प्लस’ श्रेणीमा बर्गिकृत काठमाडौंबाट प्रकाशित दुईवटा साप्ताहिक म्यागेजिनको आइतवारको कभर स्टोरी एउटै छ– गृहमन्त्री रामबहादुर थापाको विषयमा ।

नेपाल साप्ताहिकले ‘बादल बितण्डा’ र हिमालले ‘अव्यवस्था मन्त्री’ शीर्षकमा गृहमन्त्रीका काम कारवाहीको विषयलाई लिएर कभर स्टोरी लेखेका छन् ।

दुईवटा साप्ताहिक पत्रिकाको कभर स्टोरी एउटै भएको विषयलाई लिएर सामाजिक सञ्जालमा बहस भइरहेको छ ।

नेकपा कार्यकर्तामा रूपान्तरित पूर्वमाओवादी वृत्तले रामबहादुर थापाविरुद्ध मिडिया खनिएको भनेर टिप्पणी गरेका छन् । ‘यो कताकता प्रायोजितजस्तो देखिन्छ,’ नेकपाका एक नेताले भने ।

गृहमन्त्रालयको जिम्मेवारी सम्हालेको केही समयसम्म मिडियामा बादलले गरेका कामको चर्चा भएको थियो ।

खासगरी यातायात क्षेत्रमा सिन्डिकेट तोडिएको, काम नगर्ने ठेकेदारलाई समयमा काम पूरा गर्न निर्देशन दिएको लगायतका कामले बादल चर्चामा आएका थिए ।

प्रहरी प्रशासनमा राजनीतिक हस्तक्षेप नगर्ने तथा भाषणभन्दा काममा बढी विश्वास गर्ने भनेर बादलको प्रशंसा भएको थियो ।

तर पछिल्ला दिनमा भएका कतिपय निर्णयका कारण गृहमन्त्री बादल विवादमा आए । केही हदसम्म सहयोगीका कामका कारण पनि बादल विवादमा तानिए ।

नेकपाका नेता देवेन्द्र पौडेल भने सरकार पुनर्गठनको हल्ला निराधार भएको र त्यस्तो आवश्यकता नभएको बताउँछन् ।

‘सरकारले कामै गरेन भन्ने होइन, बजेटकको सिमितताका बाबजुद सरकारले केही राम्रा कामको शुरूवात गरेको छ,’ पौडेलले  भने, ‘चीन भारतसँग सन्तुलित सम्बन्ध राख्नु र भर्खरै बिमस्टेक सम्मेलन सम्पन्न गर्नुपनि सरकारको सफलता हो ।’

नेता पौडेल गृहमन्त्रीले गरेका कामविरुद्ध प्रचारबाजी भएको लोकान्तरले जनाएको छ ।

भौतिक पूर्वाधारमन्त्री रघुवीर महासेठको जागीर जाने भएको छ । बिमस्टेक राष्ट्र तथा सरकार प्रमुखहरुलाई गोकर्ण रिसार्टमा लगेर रिट्रिट दिने कार्यक्रम रोकिएछि सम्मेलन सकिए लगतै प्रधानमन्त्री ओलीले यस्तो निर्णय लिने स्रोतको दाबी छ । मन्त्री पद चट् हुने भएपछि महासेट प्रधानमन्त्री ओलीलाई फकाउन नेता माघब नेपाललाई लगाएको स्रोतको दाबी छ ।

 

सबैलाई अचम्म लाग्न सक्छ की सडकका कारण महत्वपूर्ण गोकर्ण रिट्रिट कार्यक्रम रोकिएको भन्दा । तर यो सत्य हो । चाबहिल -जोरपाटी- साँखु सडकको दुरावस्थाकै कारण गोकर्ण रिट्रिट रोकिएको हो ।

 

सरकारले बिमस्टेक राष्ट्र तथा सरकार प्रमुखहरुलाई गोकर्ण रिसार्टमा लगेर रिट्रिट दिने तयारी गरेको थियो । तर सडककै दुराअवस्थाका कारण सरकारले बिमस्टेक सम्मेलन आयोजना स्थल होटल सोल्टीमै रिट्रिट दिने भएको हो ।

 

सरकारले बिम्स्टेकको रिट्रिट गोकर्णमा दिने भएपछि भौतिक पूर्वाधारमन्त्री रघुवीर महासेठ आफैं सडक अनुगमनमा पुुगेका थिए । र उनले सडकको अवलोकन पछि भदौ १२ सम्म सडक बन्ने दाबी पनि गरेका थिए । सम्मेलन सुरु हुँदा पनि सडकको अवस्था उस्तै छ ।

 

सडक विभागले माटो मिस्सिएको गिट्टी हालेको छ । तर, लगातार पानी परेका कारण धेरै ठाउँमा रोपाइँका लागि तयार पारिएको खेत जस्तै छ भएको स्थानीयहरु बताउँछन् । तर अन्तमा आएर मन्त्री कै केही नचलेपछि सरकार गोकर्ण रिसोर्ट छाडेर होटल सोल्टीमै रिट्रिट गर्न पुुगेको हो ।

उपप्रधान तथा  रक्षामन्त्री ईश्वर पोखरेल सहित चार मन्त्रीको पद धरापमा, क कस्को हुदैछ जागीर चट

गत असारमै संसद् बैठकलाई सम्बोधन गर्ने क्रममा आफ्नो लयअनुसार काम नगर्ने मन्त्रीहरूलाई फेर्न सक्ने संकेत गरेका प्रधानमन्त्री केपी शर्मा ओली अन्ततः केही मन्त्रीलाई बिदा दिने कि भन्ने ‘मुड’मा पुगेका छन् । नयाँ सरकार गठन भएको ६ महिना बितिसक्दा पनि जनताले अनुभूति गर्ने गरी ठोस काम नभएको गुनासो जनताको तहबाट मात्र होइन, स्वयं आफ्नै पार्टीका कार्यकर्ताबाट पनि बाक्लै प्रकट भएपछि प्रधानमन्त्री ओली जनताले अनुभूत गर्ने गरी काम देखाउने ‘हतारो’मा छन् ।

 

तर, आफ्नो स्प्रिटअनुसार मन्त्रीहरूले कार्यसम्पादनलाई चुस्त बनाउन नसकेपछि मन्त्री नै फेरेर भए पनि जनताको अपेक्षा सम्बोधन गर्ने निचोडमा प्रधानमन्त्री पुगेको बताइन्छ ।
मन्त्रीहरू बाहिर सेलिब्रेटी बन्ने तर भित्र फितलो कार्यसम्पादन गर्ने गुनासो प्रधानमन्त्री कार्यालयमा दुई महिनाअघि नै पुगेको थियो । तर, त्यसबेला प्रधानमन्त्रीले साउन एक महिना मन्त्रीहरूको कार्यसम्पादनका लागि मौका समय दिएको बताइन्छ । १ साउनबाट नयाँ कार्ययोजना लागू भएपछि प्रधानमन्त्री ओलीले मन्त्रीहरूको कार्यसम्पादनलाई सूक्ष्म ढंगले नियालिरहेका थिए ।

 

यसका लागि प्रधानमन्त्री कार्यालयमा अलग्गै डेस्क खडा गरेर मन्त्रीहरूको कामको मार्किङसमेत गर्दै आएको बताइन्छ । तर, यो अवधिमा पनि कार्यसम्पादनमा प्रगति देखिनुको सट्टा मन्त्रीहरू एकपछि अर्को विवादमा मुछिएका समाचार सार्वजनिक हुन थालेपछि त्यसले आफ्नै कद घटाउन थालेको महसुस प्रधानमन्त्री स्वयंले गरेको बुझिएको छ ।
२५ सदस्यीय मन्त्रिमण्डलमा अहिले प्रधानमन्त्री ओली मुख्यतः चार मन्त्रीको कार्यसम्पादसँग असन्तुष्ट रहेको स्रोतको दाबी छ ।

 

यदि मन्त्री हेरफेर गर्दा पहिलो चरणमा तीनै चार जना मन्त्रीलाई बिदा गर्ने मनस्थितिमा प्रधानमन्त्री पुगेको बालुवाटारनिकट स्रोतको दाबी छ । स्रोतका अनुसार प्रधानमन्त्री ओलीको पहिलो असन्तुष्टि उपप्रधानमन्त्री तथा रक्षामन्त्री ईश्वर पोखरेलसँग छ । त्यसो त प्रधानमन्त्री ओलीले सुरुमै पोखरेललाई आफ्नो क्याबिनेटमा राख्न चाहेका थिएनन् । त्यति मात्र होइन, पछिल्लो मन्त्रिमण्डल विस्तारमा उपेन्द्र यादवलाई उपप्रधानमन्त्री बनाएर सरकारमा ल्याएका बेला पनि पोखरेललाई बिदा गर्ने मुडमा थिए ।

 

तर, विभिन्न ‘शक्तिकेन्द्र’को दबाबका कारण उनको पद जोगिएको बताइन्छ । पछिल्लो समयमा सेनामा हुने रासन ठेक्का, हतियार खरिदजस्ता ठूल्ठूला आकारका डिलमा उपप्रधानमन्त्री पोखरेलका परिवारका सदस्यहरूको हस्तक्षेप हुने गरेको रिपोर्ट प्रधानमन्त्री कार्यालयमा पुगेपछि अब मन्त्री फेर्न धेरै नकुर्ने मनस्थितिमा रहेको बताइन्छ ।

 

त्यस्तै, सामाजिक सुरक्षा, श्रम तथा रोजगारमन्त्री गोकर्ण विष्टको कार्यसम्पादनसँग पनि प्रधानमन्त्री असन्तुष्ट रहेको बुझिएको छ । बाहिर चर्का कुरा गर्ने तर भित्रभित्र शंकास्पद ‘सेटिङ’का सूचना प्रधानमन्त्री कार्यालयमा पुगेको स्रोतको दाबी छ । मन्त्री विष्टका कारण वैदेशिक रोजगार व्यावसाय ध्वस्त भएको र यसले अर्थतन्त्रलाई नै तहसनहस बनाएको विश्लेषण प्रधानमन्त्री कार्यालयमा नै हुने गरेको बुझिएको छ । वैदेशिक रोजागारीमा जानेहरूले पठाएको रेमिट्यान्सबाट मात्र अर्बांै राजश्व संकलन हुने गरेकोमा अहिले मन्त्री विष्टका कारण त्यसमा ठूलो गिरावट आएको बताइन्छ । रोजगारीका लागि महिनामा ५० हजार नेपाली कामदार मलेसिया जाने गरेकोमा बायोमेट्रिक बन्द गराइएपछि दुई महिनायता यो क्रम ठप्प छ ।

 

पहिलो लटमा बिदा हुन सक्ने अर्का मन्त्री हुन गिरिराजमणि पोखरेल । शिक्षामन्त्री पोखरेलको कार्यसम्पादनसँग पनि प्रधानमन्त्री असन्तुष्ट रहेको बुझिएको छ । अरू त अरू तत्कालीन माओवादी केन्द्र र त्यसमा पनि नेता नारायणकाजी श्रेष्ठ समूहबाट मन्त्री भएका पोखरेलको कामसँग श्रेष्ठ नै खुसी छैनन् । मन्त्री पोखरेलले सीटीईभीटी अन्तर्गत जथाभावी सम्बन्धन दिने तयारी गरेपछि नेता श्रेष्ठले सामाजिक सन्जालमै त्यसको विरोध गरेका थिए । पछि मन्त्रिपरिषद् बैठकले सम्बन्धनमा रोक लगाएको थियो । पैसाका कारण मन्त्री पोखरेलले यसरी जथाभावी सम्बन्धन बाँडेको रिपोर्ट प्रधानमन्त्री कार्यालयमा पुगेको बुझिएको छ ।

 

त्यति मात्र होइन, जथाभावी मान्छे राखेर आफ्नो सचिवालयलाई पनि अस्तव्यस्त बनाएको रिपोर्ट पनि प्रधानमन्त्रीकोमा पुगेको स्रोतले बतायो । स्रोतका अनुसार मन्त्री पोखरेलको सचिवालयमा विभिन्न नाममा १७ जनालाई नियुक्ति दिइएको छ । जबकि, एक जना मन्त्रीले एक जना उपसचिव, एक जना अधिकृत र एक जना टानासु (टाइपराइटर नायब सुब्बा) मात्र राख्न पाउँछ । तर, उनको सचिवालयमा लोचन खतिवडा, पुरन केसी, सुनिल खड्का, जीवन गौतम, पुष्प ढकाल, विनोद न्यौपाने, रुद्र मगर, शंकर शाह, राजकुमार कोइराला, भीम पोखरेल, लीलाराज भण्डारी, प्रकाश खतिवडा, शक्ति कोइराला, सुदर्शन पराजुली, नन्द थापा, पंकज रावललगायत कार्यरत रहेको बुझिएको छ । अधिकांशलाई गाडीको समेत सुविधा दिइएको छ ।

 

त्यति मात्र होइन, पोखरेलले निजी शिक्षाका डनहरूलाई पोस्ने गरी काम गरिरहेको बताइन्छ । सरकारले समाजवादको लक्ष्य राख्ने तर निजी स्कुलहरूले मनोमानी शुल्क बढाउँदा पनि आजका दिनसम्म एउटा स्कुलमा यतिसम्म शुल्क घटाइयो भन्ने उदाहरण पोखरेलले प्रस्तुत गर्न सकेका छैनन् । त्यति मात्र होइन, विद्यार्थी संगठन, मन्त्रालय र निजी स्कुलका सञ्चालकहरुबीच शुल्क घटाउन भएको त्रिपक्षीय समझदारी कार्यान्वयन गर्नुको सट्टा उनले त्यसबाटै निकै ठूलो रकम शुभलाभ प्राप्त गरेको उजुरी प्रधानमन्त्रीकहाँ पुगेको छ । त्यस्तै, विद्यार्थी संगठनका नेताहरूले पनि लाखौं रुपैयाँ बार्गेनिड गरेर लाभ लिएको बताइन्छ ।

 

प्रधानमन्त्री ओली पर्यटन तथा नागरिक उड्डयनमन्त्री रवीन्द्र अधिकारीको सम्पादनसँग पनि सन्तुष्ट नभएको बुझिएको छ । खासगरि वाइड बडी विमान खरिद प्रकरण, पर्यटनअन्तर्गतका विभन्न संघसंस्थालाई मनपरी रकम वितरण, तारागाउँ विकास समिति र होटल ह्यातबीचको लडाइँमा मौनतालगायत विषयलाई लिएर प्रधानमन्त्री असन्तुष्ट रहेको बताइन्छ । त्यति मात्र होइन, पर्यटन विज्ञ समूहमा विवादास्पद व्यक्तिलाई राखेर सरकारको बदनाम गरेकाले पनि उनीप्रति असन्तुष्ट छन् ।

 

मन्त्री अधिकारीले विज्ञ समूहमा लाउडा प्रकरणका दोषी हरिभक्त श्रेष्ठ देखि फेवाताल अतिक्रमण गर्ने कर्ण शाक्यका छोरासम्मलाई राखेपछि उनको सो कदमको व्यापक विरोध भएको थियो । विरोध थेग्न नसकेपछि उनले पछि विज्ञसमूहबाट श्रेष्ठको नाम हटाएका थिए । प्रधानमन्त्री कार्यालयमा यी मन्त्रीका बारेमा आएका रिर्पोट कति सत्य नजिक छन् भन्ने कुराको सुक्ष्म अध्ययन गरेर मात्र आवश्यक कदम चाल्ने तयारीमा प्रधानमन्त्री रहेको स्रोतले बतायो ।

प्रतिक्रिया दिनुहोस
माइक्रोको ठक्करबाट प्रहरी हवल्दारको मृत्यु

     पृथ्वीराजमार्ग अन्तर्गत तनहुँको आँबुखैरेनी गाउँपालिका–२ ढापटारमा माइक्रोले ठक्कर दिँदा प्रहरी हवल्दारको

बीपी राजमार्गमा सबै प्रकारका सवारीसाधान चल्ने

     बाढीपहिरो र डुबानले अवरुद्ध बीपी राजमार्गमा रुट अनुमति लिएका सबै प्रकारका

रामेछापमा यात्रुलाई नि:शुल्क खाजा

    दशैंका यात्रुलाई लक्षित गरी रामेछापको खाँडादेवी गाउँपालिका-३ भीरपानीमा निःशुल्क खाजासहितको विश्रामस्थल

पश्चिमी वायुको प्रभावले हल्का वर्षाको सम्भावना

  पश्चिमी वायुका साथै स्थानीय वायुको प्रभावले बदली र वर्षाको सम्भावना रहेको जल