यस कारण होटल सोल्टीमै सुरु भयो रिट्रिट
बिमस्टेक सम्मेलन स्थल होटल सोल्टीमा ‘रिट्रिट’ शुरु भएको छ । सम्मेलनमा सहभागी हुन आएका बिमस्टेक सदस्य राष्ट्रका कार्यकारी प्रमुखहरुका लागि गोकर्ण रिसोर्टमा आयोजना गरिने ‘रिट्रिट’ सडक पुुर्बाधार अभावका कारण होटल सोल्टीमै सुरु गरिएको हो ।
सामूहिक तथा व्यक्तिगत अनौपचारिक छलफल तथा कुराकानीका लागि ‘रिट्रिट’को आयोजना गर्ने प्रचलन रहेको छ । सम्मेलनमा सहभागी भएका कार्यकारी राष्ट्रप्रमुखहरुका लागि द्विपक्षीय तर अनौपचारिक कुराकानीका लागि ‘रिट्रिट’ महत्वपूर्ण मानिन्छ ।
नेपालले आयोजना गरेको सार्क शिखर सम्मेलनमा धुलिखेलमा ‘रिट्रिट’ को आयोजना गरेको थियो । यसपटक गोकर्णमा गर्ने भनिए पनि सडक बनाउन नसकेकाले सोल्टीमै हुन लागेको हो ।
बिमस्टेक सम्मेलनको आज दोस्रो दिन, सम्मेलनको दोस्रो शत्र १० बजेबाट सुरु हुँदै छ ।