बलात्कारीलाई कडा कारवाही माग गर्दै गृहमन्त्रीको ध्यानाकर्षण
विभिन्न पार्टीगत नेतृहरुको संयुक्त संगठन अन्तर पार्टी महिला सञ्जालले बलात्कार घटनाको गम्भीरतापूर्वक छानविन र बलात्कारीलाई कडा कारवाहीको माग गर्दै गृहमन्त्रीलाई ध्यानाकर्षण पत्र बुझाएका छन् ।
सञ्जालले गृहमन्त्री रामबहादुर थापालाई बुधबार ध्यानाकर्षण पत्र बुझाएको हो ।
पत्रमा देशब्यापी रुपमा महिला तथा बालबालिकाहरुमाथि दिन प्रति दिन बढ्दै गइरहेको हिंसा तथा बलात्कारका घटनाहरुको गम्भीरतापूर्वक छानविन गरी सत्य तथ्यका आधारमा सम्पूर्ण अपराधिहरुलाई कडा भन्दा कडा सजाय दिन माग गरिएको छ भने यस्ता घटनाहरु पुनः दोहोरिन नदिन गम्भीरतापूर्वक कदम चाल्नसमेत ध्यानाकर्षण गराइएको छ ।