निर्मला हत्या प्रकरण : बम दिदी–बहिनीको अदालतबाट म्याद थप

 

१३ वर्षीया किशोरीको बलात्कारपछि हत्या घटनाको अनुसन्धानका क्रममा पक्राउ परेका बम दिदी–बहिनी रोशनी र बबिताको सोमबार अदालतबाट म्याद थप गरिएको छ ।

 

जिल्ला प्रहरी कार्यालयले शनिबार पक्राउ गरेको थियो । उनीहरुलाई थुनामा राख्नका लागि म्याद थप गरिएको जनाए पनि कति दिन म्याद थपेको खुलाएको छैन । एक महिनाअघि भीमदत्त नगरपालिका–२ उल्टाखामकी १३ वर्षीया निर्मला पन्तको बलात्कारपछि हत्या भएको थियो ।

प्रहरीले अनुसन्धानका क्रममा लापर्वाही गरेको भन्दै आन्दोलन चर्केपछि तत्कालीन सुरक्षा निकायका प्रमुख फेरिएपछि नयाँ टोलीले प्रारम्भिक चरणबाट पुनः अनुसन्धान शुरु गरेको हो । म्याद थपसँगै बम दिदी–बहिनीसँग बयान लिने तथा अन्य अनुसन्धानको काम चलिरहेको जिल्ला प्रहरी कार्यालयका डिएसपी कृष्ण ओझाले जानकारी दिएका छन् ।