अमेरिकामा प्रहरीको गोली प्रहारबाट काठमाडौंका ठकुरीको मृत्यु
अमेरिकामा प्रहरीले चलाएको गोली लागेर काठमाडौंका एक युवाको मृत्यु भएको छ ।
अमेरिकाको कोलोराडो डेनभरनजिक ब्रुुमफिल्डमा प्रहरीले चलाएको गोली लागेर काठमाडौं घर भएका २५ वर्षीय वीरेन्द्र ठकुरीको मृत्यु भएको हो ।
स्थानीय सञ्चार माध्यमका अनुसार ती युवकमाथि शनिबार राति गोली प्रहार भएको थियो । उनी आमा र दाइका साथमा घटनास्थल नजिकै वेष्टमिनिष्टरमा स्थायी रुपमा बस्दै आएका थिए ।
सडकमा हिंडिरहेका बेला प्रहरीले उनीमाथि गोली चलाएको बताइएको छ । तर, प्रहरीले किन गोली हान्यो कारण खुलाइएको छैन । स्थानीय सञ्चारमाध्यका अनुसार गोली लागेका ती युवकलाई प्रहरीले नै अस्पताल लिएर गएको थियो ।
तर, चिकित्सकले उनलाई मृत घोषणा गरेको जनाइएको छ । मृतकको शव अहिले स्थानीय अस्पतालमा राखिएको छ । मृतककी आमा अहिले बेहोस छिन् ।