गृहले थाल्यो प्रहरीमा नयाँ एआइजीको बढुवा प्रक्रिया, यी हुन् मुख्य दाबेदार !
घरह मन्त्रालय रिक्त रहेको प्रहरी अतिरिक्त महानिरीक्षक (एआइजी) पदमा बढुवा प्रक्रिया अगाडी बढाउने भएको छ । नेपाल प्रहरीको महानिरीक्षक (आइजिपी)मा सर्वेन्द्र खनालको नियुक्तिसँगै रिक्त एआइजी बढुवा रोकिएको थियो ।
प्रहरी महानिरीक्षक खनालले गृहमन्त्री रामबहादुर थापालाई एआइजी बढुवामा चासो देखाउन पटक–पटक आग्रह गर्दै आएका थिए । खनालको दवावका कारण गृहमन्त्री थापाले एआइजी बढुवा एक हप्ताभित्रै गर्ने गरेर काम अगाडि बढाउन सम्बन्धित निकायलाई निर्देशन दिएको स्रोतले जनाएको छ ।
सरकारको पछिल्लो निर्णय अनुसार एआइजीको दरबन्दी तीन वटामात्र कायम गरिएको छ । हालका डिआइजीमध्येबाट तीन जनाको मात्र बढुवा हुनेछ ।
यस्ता छन् दाबेदार उम्मेदवारहरुः
प्रहरीमा देखिएको राजनैतिक हस्तक्षेपले गर्दा बढुवा प्रक्किया नै विवादित बन्दै आएको छ तर, यसपटक बने गृह मन्त्रालयले एआइजी बढुवा वरिष्ठताकै आधारमा गर्ने स्रोतले जनाएको छ । हालका डिआइजीहरू पुष्कर कार्की, मनोज न्यौपाने, धीरु बस्नेत, ठुले राई, र सुरेशविक्रम शाह वरिष्ठताका आधारमा अगाडि छन् ।
उनीहरू सबै १९ साउन ०७४ मा एसएसपीबाट डिआइजीमा बढुवा भएका थिए । उनीहरूसँगै बढुवा भएका सर्वेन्द्र खनाल अहिले आइजिपी छन् ।
एआइजीका सबै दाबेदार अधिकृत ०४६ का ब्याची हुन् । ३० वर्षे कार्यकालका आधारमा उनीहरू सबैले २९ माघ ०७६ मा अनिवार्य अवकाश पाउनेछन् ।