एमाले र माओबादीमा लफडा,बजेटमा एकलौटी गरे देखाईदिन्छु भन्दै प्रचण्ड रन्किए,प्रचण्ड फकाऊदै ओली
सत्ता साझेदार नेकपा एमाले र एकीकृत नेकपा माओवादीका शीर्ष नेताबिच आउँदो आर्थिक वर्षको बजेटमा समान धारणा बनाउनका लागि छलफलमा जुटेका छन् ।
माओवादी केन्द्रका नेताले संसदीय दलको बैठकमा एमालेले एकलौटी रुपमा बजेट ल्याउन लागेको भन्दै पार्टी नेतृत्वसँग त्यस्तो अवस्था आउन नदिन आग्रह गरेका थिए ।
प्रधानमन्त्री केपी शर्मा ओली नेतृत्वको सरकारले आर्थिक वर्ष २०७५/०७६ को बजेटको सिद्धान्त तथा प्राथमिकता बुधबारको संसद बैठकमा पेश गर्ने तयारी गरेका बेला सत्ताको प्रमुख घटक माओवादी केन्द्रका अध्यक्ष पुष्पकमल दाहाल प्रचण्डले प्रधानमन्त्री ओलीसँग छलफल गर्नु भएको छ ।
बजेटमा देखिएको मतभेद मिलाउने प्रयास स्वरुप प्रधानमन्त्री ओली र माओवादी अध्यक्ष प्रचण्डबिच प्रधानमन्त्री निवास बालुवाटारमा छलफल भइरहेको छ ।
एमालेले एकलौटी गरेका र त्यो स्वीकार्य नहुने भन्दै आफूहरुले कुरा मिलाउन अध्यक्ष प्रचण्डलाई जिम्मेवारी दिएको माओवादी नेता अग्नी सापकोटाले बताए ।
बजेटमा आउने कार्यक्रम तथा प्राथमिकताहरु समानताको आधारमा हुनु पर्ने आफूहरुको माग रहेको नेता सापकोटाको भनाई छ । बजेटलाई एमाले र माओवादीको सहमतिमा ल्याउनु पर्नेमा आफूहरुको जोड रहेको उनले बताए ।
ओली र प्रचण्डबिच जारी वार्तामा बजेटसँगै सरकार सञ्चालनमा पनि समानताको सिद्धान्त लागु हुनुपर्ने बारे छलफल भइरहेको बुझिएको छ । यसै गरी रोकिएको एमाले–माओवादी एकता प्रक्रियाका बारेमा पनि कुरा हुँदैछ ।
