रामचन्द्रलाइ किक हानेर बनबास पठाउने,जन्मियो कांग्रेसमा नया गुट
तत्कालिन पार्टी सभापति सुशिल कोइरालाको निधनपछि पहिलो पटक तीन जना कोइराला नेताहरु एक ठाउँमा जुटेका छन् । यस अघी तिनै जनाले एकले अर्कालाइ नमानेको अवस्था थियो।
सत्ताधारी प्रमुख दल नेपाली कांग्रेसका महामन्त्री डा.शशांक कोइराला निवास टोखामा पहिलो पटक डा. शेखर कोइराला र सुजाता कोइरालाले गोप्य वार्ता गरेका छन। पार्टीमा आफुहरु पेलिदै गएको निचोड सहित उनीहरु एक कठ्ठा भएको कांग्रेस बृतमा चर्चा छ।
महामन्त्री डा.शशांकको निवासमा नेताद्धय डा.शेखर कोइराला र सुजाता कोइराला बिच भएको गोप्य वार्ता भने सार्वजानिक गरिएको छैन् ।
स्रोतका अनुसार पारिवारिक भनिए पनि बरिष्ठ नेता रामचन्द्र पौडेलले आफ्नो गुटको नेतृत्व गर्न नसकेको निश्कर्ष निकालिएको छ । तीन जना नेताहरुवीच आगामी दिनमा कसरी अघि बढ्नेबारेमा गम्भिर छलफल भएको छ ।
रामचन्द्र पौडेललाई सके सम्म आफ्नो गुटबाट पाखा लगाउने खेलका बारेमा गम्भिर छलफल समेत भएको एक नेताले बताएका छन् ।
बरिष्ठ नेता रामचन्द्र पौडेलले देउवासँग मन्त्रिमण्डलदेखि लिएर अन्य नियुक्तीसम्म भागबण्डा खोजिरहेको बेला तीन जना नेताहरु भेला भएर छलफल गर्नुलाई अर्थपुर्ण रुपमा हेरिएको छ । तीन जनामा सबै भन्दा जेठा शेखर हुन्। अब कांग्रेसमा तीनै कोइराला मिलेर नया गुट जन्माउने एक नेताले नाम सार्बजनिक नगर्ने शर्तमा बताए।
