राजपाका अध्यक्षले भने- प्रचण्ड धोकेबाज प्रेमी,देउवा त कता हो कता उत्पात राम्रो
राजपा नेपालका अध्यक्ष मण्डलका सदस्य महेन्द्र राय यादवले वर्तमान प्रधानमन्त्री शेरबहादुर देउवा आफूहरुको माँग पूरा गराउनको लागि गम्भिर भएको बताएका छन् ।साथै उनले यसअघिका प्रचण्डभन्दा पनि हालका प्रधानमन्त्री देउवा मधेशको मुद्दा सम्बोधन गर्न सकारात्मक रहेको जिकिर गरे । प्रचण्डले मधेश संग लभ परेको नाटक गरेर प्रेमिका लाइ धोका दिएझै आफुहरुलाई धोका दिएको समेत बताए।
शुक्रबार एक रेडियो सँगको कुराकानीमा उनले यस्तो बताएका हुन् । उनले भने,“प्रधानमन्त्री देउवाजी हाम्रो माँग पूरा गराउन सकारात्मक हुनुुहन्छ, अब संशोधन प्रस्ताव निर्णयार्थ पेश गरेर अघि बढ्दा पनि हामीलाई आपत्ति छैन, प्रस्ताव फेल वा पास जे भएपनि हामी निर्वाचनमा जान्छौं ।” तर संसद बाटै त्यसको छिनो फानो गर्नु पर्ने उनको भनाइ थियो।
त्यस्तै उनले प्रधानमन्त्री देउवाले आफूहरुले उठाएका राजनीतिक माँगहरु जस्तो झुठा मुद्दा फिर्ता, बन्दी रिहाई, सहिद घोषणा र घाईतेहरुलाई क्षतिपूर्ति तथा राहत जस्ता माँगहरु पनि क्याबिनेबाट छिट्टै टुँगो लगाउने तययारी गरिरहेको जनाए । देउवा सरकारले राजपालाई एकमुस्ट दशौ करोड दिने तयारी थाले पछि राजपाका नेताले देउवाको गुण गान गाउन थालेका छन।
