एमालेका उम्मेदवार ढाल्न पूर्व गृहमन्त्रीको भारतीय सुटर संग कनेक्शन,एमाले ‘सिध्याउन’ यस्तो बन्यो योजना

तराई मधेसमा भइरहेको स्थानीय निर्वाचनमा प्रमुख प्रतिपक्षी दल एमालेको पत्ता साफ गर्न कमाण्डर खटाइएको खुलासा भएको छ ।
एमाले स्थायी समिति सदस्य एवं २ नं. प्रदेशका ईञ्चार्ज सत्यनारायण मण्डलले २ नं. प्रदेशबाट एमालेलाई सिध्याउन नेपाली कांग्रेसले विमलेन्द्र निधिलाई कमाण्डर बनाएर पठाएको खुलासा गरेका हुन् ।

नेपाली रेडियो नेटवर्कमा बुधबार बिहान पत्रकार ऋषि धमलासाँग कुरा गर्दै संयोजक मण्डलले एमालेका कार्यकर्ताहरूको हत्या गर्नेसम्मका योजना बनेको टिप्पणी गरे । त्यसका लागी निधीले भारतीय सुटर संग कुरा गरेको समेत बाहिरिएको छ।

‘एमालेका कार्यकर्ताको हत्या गर्ने योजना बनेको समेत थाहा पाएका छौँ’, मण्डलले भने, ‘एमालेलाई सिध्याउन कांग्रेसले विमलेन्द्र निधिलाई कमाण्डर बनाएर पठाएको छ ।’ त्यसैको पूर्व संकेतका रुपमा हिजो लहानका एमाले मेयरका उम्मेदवार मुन्नी साहको घरमा बम बिष्फोट गरिएको थियो।