राजपामा यसरी जादैछ अझै पहिरो,असोज २ गते सम्ममा राजपा रित्तिने यस्तो आयो रिपोर्ट
प्रदेश नम्बर २ मा चुनाब होलाकी नहोलाको संसयलाई चिर्दै आज असोज २ गते हुने चुनाबका लागी मनोनयन दर्ता भईरहेको छ।
आज प्रदेश नम्बर २ अन्तर्गतका १३६ स्थानीय तहमा उम्मेदवारी मनोनयन दर्ता हुँदैछ । बुधबार बिहान १० देखि अपराह्न ५ बजेसम्म मनोनयन दर्ता गर्ने समय तोकिएको निर्वाचन आयोगले जनाएको छ ।
प्रदेश नम्बर २ को निर्वाचनलाई सबै दलले प्रतिष्ठाको विषय बनाएका छन् । राष्ट्रिय जनता पार्टी नेपालका लागि त यो निर्वाचन जीवनमरणक सवाल बनेको छ । मंसिर २१ गते प्रदेश र प्रतिनिधिसभा निर्वाचनको मितिसमेत घोषणा भइसकेकाले पनि प्रदेश नम्बर २ को निर्वाचनको मतपरिणाम सबै दलका लागि महत्वपूर्ण देखिएको छ ।
कांग्रेसलाई धेरै स्थानीय तहमा जितेर आफ्नो भोट बैंक मधेस नै रहेको पुष्टि गर्नुपर्ने चुनौती छदैछ । एमालेलाई अन्य प्रदेशमा झैं मधेसमा पनि एमाले बलियो छ भन्ने देखाउनु छ । माओवादीलाई संगठन विस्तार गर्नुपर्ने बाध्यता छ । त्यही भएर उसले अन्य पार्टीबाट भित्र्याउँदै टिकट दिँदै गरेको छ ।
राजपालाई भविष्यको राजनीति सुरक्षित गर्न पनि निर्वाचनको परिणाम आफ्नो पक्षमा पार्ने चुनौती आइपरेको छ । उम्मेदवार मनोनयन दर्ताअघि नै राजपामा पहिरो गएको छ । स्थानीय तहको प्रमुख पदमा पदाधिकारीले नै दाबी गरेपछि राजपालाई उम्मेदवारी टुंगो लगाउन निकै सकस प¥यो ।
आफूले टिकट नपाएपछि राजपाका आधा दर्जनभन्दा बढी पदाधिकारीले पार्टी त्यागे भने, सयौं नेता कार्यकर्ता अरु पार्टी प्रवेश गरे । यसले के देखाउँछ भने यदि प्रदेश नम्बर २ को निर्वाचनमा राजपाले भाग नलिएको भए निर्वाचनपछि सो पार्टी नै सिद्धिने पूर्वानुमान सही हुन सक्थ्यो ।
टिकट नपाएपछि राजपाका महामन्त्री जंगीलाल राय, सचिव गोविन्द मण्डल, नेता विमल श्रीवास्तव, नरेन्द्र यादव जस्ता ठूला नेताले पार्टी नै परित्याग गरे ।
विमल श्रीवास्तव त विजयकुमार गच्छदार नेतृत्वको नेपाल फोरम लोकतान्त्रिक प्र्रवेश गरी मेयरको उम्मेदवार बनेका छन् । उनलाई राजपाले वीरगन्जको मेयरको टिकट नदिई नेवार समुदायका राजेशमान सिंहलाई दिइएको छ । सिंह शरत्सिंह भण्डारी निकट युवा नेता हुन् । यहि क्रमले राजपामा पहिरो जाने हो भने त्यो पार्टी रित्तिने संकेत देखिन थालेको छ।अझै पनि ठुलो संख्यामा राजपा नेपाल त्याग्ने हरु साइत हेरेर बसेका छन।
