पूर्व प्रधानमन्त्रीका छोरालाई एमालेले भित्र्यायो,एकल महिलाकी अध्यक्ष पनि एमालेमै
पूर्व प्रधानमन्त्री डा. के. आई. सिंहका कान्छा छोरा यज्ञजीत शाह एमालेमा प्रवेश गरेका छन । २०५६ सालको प्रतिनिधिसभा निर्वाचनमा नेपाल सद्भावना पार्टीको वाट रूपन्देही जिल्लाको क्षेत्र नं. ५ बाट निर्वा्चित साँसद हुन । “मानव अधिकारका लागि महिला ( एकल महिला संरक्षण“ नामक संगठनका केन्द्रीय अध्यक्ष लिलि थापा पनि औपचारिक रूपमा नेकपा (एमाले)मा प्रवेश गरेका हुन ।
पार्टी केन्द्रीय कार्यालय धुम्बाराहीमा प्रदेश नं. २ स्तरीय अगुवा कार्यकता भेलामा उनीहरु पार्टी प्रवेश गरेका हुन । कार्यक्रममा बोल्दै अध्यक्ष ओलीले नेकपा माओवादी केन्द्र र नेपाली कांग्रेसमा बैशाखी चाहिने अवस्था आएको भन्दै कटाक्ष गरेका छन् । कांग्रेस माओवादी गठनबन्धनप्रति संकेत गर्दै उनले भने बैशाखी त्यतिबेला चाहिन्छ । त्यतिबेला कमजोर हुन्छ । एमाले कमजोर छैन, बैशाखी चाहिँदैन ।’
कांग्रेस एमाले कमजोर भएकै कारणले चुनावमा गठबन्धन नामको बैशाखीको सहारा लिएको दाबी गर्दै उनले एमालेसँग मुकाबिला गर्न कसैसँग हिम्मत नभएको दाबी गरे ।
भेलामा ओलीले दुई नम्बर प्रदेशमा एमाले पहिलो बन्ने दाबी गर्दै चुनावमा होमिन नेता कार्यकर्तालाई निर्देशन दिए । भेलामा नेताहरु माधव नेपाल, इश्वर पोखरेल, विष्णु पौडेल, योगेश भट्टराई ,नागेनद्र चौधरी लगायतका नेता हरुको सहभागिता रहेको थियो ।
