राजपामा फेरी थपियो लफडा,चुनाब बिरुद्द उत्रिदै पार्टी फूटाउन को-को भए सक्रीए
राष्ट्रिय जनता पार्टीले बहुमतका आधारमा चुनावमा जाने निर्णय गरे पनि सबै नेताहरु एक हुन सकेका छैनन् । राष्ट्रिय जनता पार्टी नेपालमा अध्यक्ष मण्डलका एक जना सदस्य अनिल झाले पार्टीबाट अलग हुने संकेत गरेका छन् ।
महासचिव मनीष सूमन पनि निर्वाचनमा भाग लिने निर्णयको विरोधमा रहेका बेला अनिल झाले पनि विद्रोहको तयारी थालेका हुन् । नेता झाले आफू चुनावमा जाने विषयमा सहमत नभएको भन्दै सार्वजनिक रुपमै असन्तुष्टि व्यक्त गरेका छन् ।
विधान संशोधन नभै चुनावमा जानुहुँदैन भन्ने कुरा आफुले पार्टीभित्र राखे पनि बहुमत पुग्न नसक्दा आफ्नो कुरा पराजित भएको नेता झाको तर्क छ ।
संविधान संशोधनबिना चुनावमा जाने कुरामा आफु खुशी हुन नसके पनि अरु कुरामा पार्टीभित्र कुनै विवाद नरहेको झाले स्पष्ट पारे । आफ्नै असहमति पनि सैद्धान्तिक रुपमा मात्रै रहेको झाको भनाई छ ।
संसदमा दुई तिहाई बहुमत पुगेको बेला संविधान संशोधन हुने विश्वास कायम रहेको बताउँदै नेता झाले भने, “त्यसका लागि जनताले मत दिनुपर्छ । जनमत कम भएकै कारण संविधान संशोधन हुन सकेन ।”
राष्ट्रिय जनता पार्टीले चुनावमा जाने निर्णय गरेसँग निर्वाचन आयोगमा गएर प्रक्रिया पूरा गरिसकेको छ । तर आयोगमा जाने क्रममा पनि झा सहभागी थिएनन् ।
