कांग्रेसलाइ सोत्तर पार्न एमालेले खोज्यो अपराधी गिरोह
दुई नम्बर प्रदेशमा जसरी पनि नेपाली कांग्रेसलाई पछि पार्न नेकपा एमालेले भ्रष्टाचार गरी ट्याङकीभित्र लुकाउनेदेखि उम्मेद्वारसँग मोटो रकम उठाउन माहिर ठहरिएका नेताहरुलाई खटाएको छ ।
दुई नम्बर प्रदेशबाट एमालेलाई पहिलो पार्टी बनाउन खटिएका नेताहरुको नेतृत्व भने महासचिव ईश्वर पोखरेलले पाएका छन् । पार्टीले जिम्मेवारी दिएपछि पोखरेलले कांग्रेसलाई पछि पार्न सबै निर्वाचन क्षेत्रमा कांग्रेस बाहेकका दलहरुसँग तालमेल गर्न र मधेसमा रहेका आपराधिक समूहलाई समेत प्रयोग गर्न निर्देशन दिएका छन् ।
पोखरेलले खटाएका नेताहरुमध्ये योगश भट्टराईले धनुषा, गोकर्ण विष्टले सर्लाही र भीम आचार्यले सप्तरकिो कमाण्ड सम्हाल्ने छन् भने पृथ्वीसुब्बा गुरुङले महोत्तरी र प्रदीप ज्ञवालीले लाहानको जिम्मेवारी पाएका छन् ।
एमालेले दुई नम्बर प्रदेशमा रहेर मधेसकेन्द्रित दलहरुको दबाब सहेर बसेका र यसअघि मधेसको नेतृत्व गर्दै आएका कुनै पनि नेतालाई मुख्य जिम्मेवारी दिएको छैन ।
एमाले निकट स्रोतका अनुसार पोखरेलले मधेसमा रहेको सीकेलाल समूहलगायतका अन्य समूहहरु खोजेर उनीहरुलाई कांग्रेससभा बिथोल्ने जिम्मेवारी दिन र पैसाको कमी नठान्न दुई नम्बरमा खटिने पाँच नेतालाई निर्देशन दिएका छन् । उनले अधिकांश ठाउँमा मतदान केन्द्रमा समेत हस्तक्षेप गर्नुपर्ने भएकाले एमालेलाई आपराधिक समूह पनि आवश्यक हुने बताए । देशान्तर साप्ताहिकबाट
