देउवा र ओली बीच ४५ मिनेट टेलिफोन सम्बाद,कांग्रेस र एमाले नजिकिए,प्रचण्डले कसरी ग्रीन सिग्नल दिए
प्रधानमन्त्री शेरबहादुर देउवा र प्रमुख प्रतिपक्षी दल नेकपा एमालेका अध्यक्ष केपी शर्मा ओलीवीच प्रदेश र केन्द्रिय संसदको निर्वाचन एकै चरणमा सम्पन्न गर्नेबारे सहमति भएको छ । लामो समयको तिक्तता पछि एमाले र कांग्रेस बीच सहकार्य हुने संकेत समेत देखिएको छ।
शनिबार विहानै प्रधानमन्त्री देउवा र एमाले अध्यक्ष ओलीवीच टेलिफोनमा वार्ता भएको हो । फोन वार्तामा उनीहरुवीच प्रदेश र केन्द्रिय संसदको निर्वाचन एकै चरणमा गर्नेबारे सहमति भएको हो । स्रोतका अनुसार उनीहरुवीच आगामी मंसिरभित्रै एकै चरणमा निर्वाचन गर्नेबारे सहमति भएको हो । यो सहमति संगै अब फेरि एमाले र कांग्रेस बीच सम्बन्ध सुधार हुने अपेक्षा गरिएको छ।
प्रधानमन्त्री देउवा निकट उच्च स्रोतका अनुसार दुई नेताहरुवीच आज ४५ मिनेट सम्म कुराकानी भएको थियो । त्यस्तै, दुई नेताहरुवीच संविधान संशोधन प्रस्ताव तत्काललाई थाँती राख्नेबारेमा पनि कुराकानी भएको हो । देउवाले ओली समक्ष गरेको बाचा अनुसार संबिधान संसोधनको प्रस्ताब संसदमा दर्ता गरिने छैन।पहिले दर्ता गरेको प्रस्ताब फिर्ता भईसकेको छ।
यता निर्वाचन आयोगलेपनि एकै चरणमा निर्वाचन गराउन स्विकृित दिएको छ ।त्यस्तै एकै चरणमा निर्वाचन गराउनको लागि माओवादी केन्द्रका अध्यक्ष पुष्पकमल दाहाल प्रचण्डसँग पनि प्रधानमन्त्री देउवाले विशेष कुराकानी गरेका छन् । प्रचण्ड पनि सकारात्मक रहेको श्रोतको भनाइ छ।
