रामचन्द्रले खोजे मन्त्रालय मालदार, देउवालाइ आफ्नै क्याबिनेट हुने भयो भार
आज हुने भनिएको मन्त्रिपरिषद बिस्तारमा रामचन्द्र पौडेल तगारो बन्ने सम्भावना बढ्न थालेको छ।
काँग्रेस वरिष्ठ नेता पौडेल पक्ष र काँग्रेस सभापति समेत रहेका शेर बहादुर देउवाबीच कुरा नमिल्दा मन्त्रीमण्डल विस्तारको काम अनिश्चित प्राय बन्दै गईरहेको हो । नेता पौडेल पक्षले पाँच जना मन्त्री मागेको छ भने सभापति देउवा ४ मन्त्रालय दिन तयार देखिएका छन् । बालुवाटारमा काँग्रेस वरिष्ठ नेता रामचन्द्र पौडेल पक्षका नेता तथा काँग्रेस महामन्त्री सशांक कोईराला, प्रकाशमान सिँह, डा.रामसरण महत, सिता देवि यादव लगायत नेताको वैठक बसिरहेको छ । मालदार मन्त्रालयमा पौडेलले आँखा लगाए पछि देउवा दिने नदिने तनाबमा छन। पार्टी सभापति एव्ं प्रधानमन्त्री देउवाले पौडेल पक्षलाई सामान्य प्रशासन मन्त्रालयसहित ४ वटा मन्त्रालय दिने तयारी गरिरहेपनि पौडेल पक्षले १३ मध्यै भौतिक योजनासहित ५ मन्त्रालयमा दाबी गरिरहेको छ।
माओवादी केन्द्रले ६ जनामन्त्रीको टुङ्गो लगाईसकेको छ । प्रधानमन्त्री देउवा मन्त्रीमण्डल बिस्तारको अन्तीम चरणमा पुगेको बेला आफ्नै पार्टीको विवादको कारणले मन्त्रीमण्डल विस्तार गर्ने काममा सफल हुन सकेका छैनन् । माओबादी अध्यक्ष प्रचण्डले भने आजै छिटो विस्तार गर्न दबाब दिएका छन।
