सिरहामा शिक्षिकाले दिएको स्पिरिट खाँदा एक छात्राको मृत्यु भएको छ । मिर्चैया नगरपालिका ६ स्थित सगरमाथा उच्च माविको कक्षा ८ मा अध्ययनरत १५ वर्षीया सिर्जना कुमारी महराको स्पिरिट खाँदा मृत्यु भएको हो । पुस २२ गते शिक्षिका अम्बिका लम्सालले उनलाई पानी भनेर स्पिरिट दिएकी दिइन् । शिक्षिका लम्सालले माउन्टेन ड्यूको बोतलमा रहेको स्पिरिट पानी ठानेर दिएकी दिइन् ।
स्पिरिट खाएलगत्तै सिर्जना कुमारी बेहोस् भएकी थिइन् । उनको उपचारका क्रममा कर्जन्हास्थित फुलकुमारी महतो मेमोरियल अस्पतालमा मृत्यु भएको हो । छात्राको मृत्युपछि अभिभावक र विद्यार्थीहरु आन्दोलित भएका छन् । उनीहरुले पूर्वपश्चिम राजमार्ग अवरुद्ध पारेका छन् ।
