गणतन्त्रका अभागी बाबुको पीडाः जेठा छोरालाई हालुँ कि कान्छो छोरालाई भोट ?



काठमाडौँ । कहिलेकहीँ आफ्नै सन्तानका कारण अभिभावकलाई लिखबन्दमा पर्नु पर्छ । यस्तै भएको बैतडी, डिलाशैनी–१ का ६८ वर्षीय जञ्जाली रानालाई पनि ।

उसो त उनका छोराहरुले कुनै उधूम अपराध गरेर, दुःख दिएर बाबुलाई सकसमा पारेका होइनन् । तर कहिलेकहीँ एउटा निर्णयमा छोराको मन दुख्ला भनेर चिन्ता गर्नु पर्ने अवस्था आउँदा जञ्जाली राना मगर गतिलो उदारहण हुने भएका छन् । असार १४ गते हुने स्थानीय तह निर्वाचनमा २० वर्षपछि भोट हाल्न पाउँदा ६८ वर्षीय जञ्जाली कम्ता खुशी थिएनन् ।

तर, जब भोट हाल्ने बेलामा उनका दुई छोरा उम्मेदवार एउटै पदमा उठे, त्यसपछि जञ्जालीलाई भोट हाल्न पनि मन छैन । जेठो छोरा कर्णबहादुर राना नेपाली काँग्रेसबाट डिलाशैनी गाउँपालिकामा अध्यक्षका उम्मेदवार भएका छन् । त्यहीँ कान्छा छोरा लोकेन्द्र राना (शीतल) नेकपा (माओवादी केन्द्र)बाट उम्मेदवार बनेपछि जञ्जाली राना मगरलाई भोट हाल्ने जाँगर मरेको हो । भन्छन्, ‘मिल्ने भए दुवै छोरालाई भोट हाल्थेँ, अब कसलाई पो दिउँ ? ’

कुन चैँ छोरालाई मत दिने मात्र होइन, प्रचारमा कुन चैँ छोराको लागि हिँडौ भनेरसमेत जञ्जालीले सोच्न सकेका छैनन् ।

जञ्जाली मात्र होइनन्। डिलाशैनीका स्थानीयसमेत एकै घरका सहोदर दाजुभाइ उम्मेदवार बनेपछि कसलाई भोट दिने भनेर अन्योलमा परेका छन् ।

प्रतिक्रिया दिनुहोस
नागरिकता विधेयक बिरुद्ध नेमकिपा सडकमा

    नागरिकता विधेयक देशघाती भएकाले खारेज गर्नुपर्ने भन्दै नेपाल मजदुर किसान पार्टीलेले

नागरिकता विधेयक जस्ताको तस्तै पारित नर्गन प्रदीप ज्ञवालीको चेतावनी

    नेकपा एमालेले राष्ट्रपतिबाट फिर्ता गरिएको नागरिकता विधेयक टाउका गनेर पारित गरिएको

जसपाका बरिष्ठ नेता राईसहित डेढ सय एमालेमा प्रवेश (सूचीसहित)

    जनता समाजवादी पार्टी, नेपालका केन्द्रीय कार्यकारिणी समिति सदस्य हेमराज राई र

महान जनयुद्ध भनेर १७ हजार मान्छे मारेको ओलीको आरोप

      नेकपा एमालेका अध्यक्ष केपी शर्मा ओलीले जनयुद्धमा मारिएका सहिदको सट्टा