चुनावी फण्डाबाट मतदाता प्रभावित हुनुहुँदैन : ईश्वर पोखरेल



 

 

 

नेकपा एमालेका वरिष्ठ उपाध्यक्ष तथा काठमाडौं क्षेत्र नम्बर ५ का उम्मेदवार ईश्वर पोखरेल घरदैलोमा व्यस्त छन् ।
सोमबार बिहान पोखरेल वडा नम्बर ४ का मतदातासँग मत मागिरहेका भेटिए । स्थानीयहरुले उनलाई सम्मानसहित भोट दिने प्रतिबद्वता व्यक्त गरिरहेका थिए । यस क्षेत्रका मतदाताहरु यसअघि पोखरेलले गरेका कामहरुबाट सन्तुष्ट रहेका पाइयो ।

बाँकी रहेका कामहरु पूरा गर्नका लागि पनि उनीहरुले पोखरेललाई स्मरण गराउँदै थिए । स्थानीय रामकुमार राजोपाध्यायले ईश्वर पोखरेललाई बाहेक अन्यलाई यसअघि पनि मत नदिएको र अब पनि ईश्वर पोखरेललाई नै दिने बताए । ‘आजसम्म उहाँलाई नै भोट हाल्दै आएको र यो पटक पनि उहाँलाई नै दिने हो’– उनले भने ।

स्थानीयले पोखरेललाई केही सुझाव पनि दिइरहेका थिए । ‘देश विकासको एजेण्डा बोकेको पार्टी एमाले मात्रै हो । यो कुरा सबैलाई थाहा भइसकेको छ । यो कुरा युवाहरुलाई पनि बुझाउनुपर्ने आवश्यकता छ । यहाँले जितरे आएपछि युवाहरुले विशेष कार्यक्रम ल्याएर अगाडि बढ्नुहोला, जीतको शुभकामना !’ एक स्थानीयले पोखरेललाई भने ।  पोखरेलले मतदाताका सुझावलाई आफूले शिरोपर गर्दै अगाडि बढ्ने वचनबद्वता व्यक्त गरे ।

अन्य उम्मेदवारहरुबाट यहाँका स्थानीयलाई खासै वास्ता छैन । ‘भोट माग्न त अरु पनि धेरै आउनुहुन्छ हुन्छ, हाल्छौँ भन्नुपरिहाल्यो । तर कसलाई हाल्ने भन्ने त हाम्रो इच्छा हो नि त ! हामी ९ जना परिवारका सदस्य छौँ । हामी सबैले ईश्वर सरलाई नै भोट हाल्ने निर्णय गरिसकेका छौँ,’– किराना पसल गरेर बसेका एक स्थानीयले भने ।

वरिष्ठ उपाध्यक्ष पोखरेलले चुनावका बेला अनेक पात्रहरुले सिर्जना गर्ने फण्डाबाट प्रभावित नहुन मतदाताहरुलाई आग्रह गरिरहेका थिए ।  कसले के भन्छ भन्दा पनि जनतासमक्ष कसरी चिनिएका छौँ भन्ने मुख्य कुरा भएको बताउँदै उनले भने– हामी जे हौँ जनता समक्ष खुलस्त छौँ । जनताको पक्षमा काम गर्न क्रियाशिल छौँ । यस्ता चुनावी फण्डाबाट जनता प्रभावित हुनुहुँदैन् ।’
आफ्नो एमालेको काम जनताले देखेको भन्दै वरिष्ठ उपाध्यक्ष पोखरेलले चुनावमा जनताले कामका आधारमा मूल्यांकन गर्ने बताए । पोखरेलले आफू मात्रै नभई एमालेका कुनै पनि उम्मेदवार तथा कार्यकर्ताले जनताको शिर झुकाउने काम आजसम्म नगरेको र अब पनि नगर्नेमा ढुक्क हुन मतदाताहरुलाई आग्रह गरे ।

प्रतिक्रिया दिनुहोस
थापाथलीमाको सुकुम्वासी बस्ती हटाउन पछि नहट्ने महानगर

  काठमाडौं महानगरका मेयर बालेन्द्र साह (बालेन) थापाथलीको सुकुम्वासी बस्तीलाई कुनै पनि हालतमा

आवासविहीन सुकुमबासीको राजनीति नगरौँ – बाबुराम भट्टराई

  ‘आवासविहीन सुकुमबासीको संवेदनशील प्रश्नमाथि कसैले छुद्र राजनीति नगरौँ ।  पूर्वप्रधानमन्त्री डा.बाबुराम भट्टराईले

समानुपातिकमा नेकपा एमाले अगाडि

  मंसिर ४ मा सम्पन्न आम निर्वाचनको समानुपातिकतर्फ नेकपा एमालेले निरन्तर अग्रता कायम

कांग्रेसको सरकार बने मुख्यमन्त्री म हुन्छु : इन्द्र बानियाँ

  नेपाली कांग्रेसका नवनिर्वाचित प्रदेशसभा सदस्य इन्द्रबहादुर बानियाँले वागमती प्रदेशमा नेपाली कांग्रेसको सरकार