प्रचण्डको संगतले देउवाको स्वभाव पनि उस्तै भएछ : अध्यक्ष ओली



 

 

नेकपा एमाले अध्यक्ष केपि शर्मा ओलीले प्रधानमन्त्री शेरबहादुर देउवाले आफूप्रति लक्षित गर्दै बोलेको विषयमाथि टिप्पणी गर्नुभएको छ । केही दिनअघि दार्चुला पुगेर अध्यक्ष ओलीले दिएको अभिव्यक्तिमाथि देउवाले गरेको टिप्पणीप्रति लक्षित गर्दै ओलीले ‘कठैबरा !’ भन्नुभएको हो ।

आज गण्डकी प्रदेशको पोखरामा आयोजित बृहत् कार्यकर्ता भेलालाई सम्बोधन गर्दै ओलीले भन्नुभयो, ‘मैले दार्चुला गएर हाम्रो गुमेको भू–भाग फिर्ता ल्याउने भनेँ । त्यसको भोलिपल्ट प्रधानमन्त्री शेरबहादुर देउवाजीले मलाई जवाफ दिनुभयो, भाषण गरेर फिर्ता आउँछ ? कुरा गरेर फिर्ता आउँछ ? बन्दुक लिएर जानु फिर्ता आउँछ रे, म कठैबरा भन्न चाहन्छु, सम्माननीय प्रधानमन्त्री भए पनि कठैबरा किन भन्न पर्यो ?’

उहाँले तत्कालिन कांग्रेस सभापति मातृकाप्रसाद कोइरालाले चेकपोस्ट राखेपछिको घटना सुनाउनुभयो । उहाँले थप्नुभयो, ‘नेपालको उत्तरमा नेपाली कांग्रेसका तत्कालिन सभापति मातृकाप्रसाद कोइरालाले १७ वटा भारतीय सैन्य चेकपोस्ट उत्तरमा लगेर राख्नुभयो । कृतिनिधि विष्टले यस्तो चेकपोस्ट राख्न हुँदैन्, हाम्रो स्वाधिनता, हाम्रो स्वतन्त्रता विपरित छ भनेर भन्दा भारतले चेकपोस्ट फिर्ता लग्यो।’

अध्यक्ष ओलीले बन्दुक लिएर विकास नहुने भन्दै प्रचण्डको संगतले यस्तो भएको पनि उल्लेख गर्नुभयो । उहाँले भन्नुभयो, ‘बन्दुक लिएर होइन, कुरा गरेर शेरबहादुरजी । बन्दुकले मान्छे मार्ने मात्रै हो, प्रचण्डको संगत गरेपछि के गर्ने भन्नुहोला। बन्दुकले केही गर्दैन, तर्क, तथ्य र सत्यले केही गर्छ।’

प्रतिक्रिया दिनुहोस
कांग्रेसकै नेतृत्वमा सरकार बन्छ : डा. शेखर कोइराला

  नेपाली कांग्रेस नेता डाक्टर शेखर कोइरालाले कांग्रेसकै नेतृत्वमा सरकार बन्ने बताएका छन्

समानुपातिकतर्फ एमाले र कांग्रेसबीचको मतान्तर १,२८,३८६

  यही मंसिर ४ गते भएको प्रतिनिधिसभा र प्रदेशसभा सदस्य निर्वाचनको प्रत्यक्ष र

थापाथलीमाको सुकुम्वासी बस्ती हटाउन पछि नहट्ने महानगर

  काठमाडौं महानगरका मेयर बालेन्द्र साह (बालेन) थापाथलीको सुकुम्वासी बस्तीलाई कुनै पनि हालतमा

आवासविहीन सुकुमबासीको राजनीति नगरौँ – बाबुराम भट्टराई

  ‘आवासविहीन सुकुमबासीको संवेदनशील प्रश्नमाथि कसैले छुद्र राजनीति नगरौँ ।  पूर्वप्रधानमन्त्री डा.बाबुराम भट्टराईले