राजपा चिसै पानीले नुहाउने, चुनाब अघी संसोधन असम्भब



  काठमाडौं ।प्रधानमन्त्री शेरबहादुर देउवाले दोस्रो चरणको निर्वाचन पूर्व संविधान संशोधनको सम्भावना नभएको बताएका छन्।

प्रधानमन्त्रीको कार्यभार सम्हालेपछि पहिलो पटक संसदमा रहेका सबै दल र दलका सांसदहरुलाई धन्यवाद दिने क्रममा बोल्दै आफू संविधान संशोधन गरी मधेसी, थारु लगायत असन्तुष्ट पक्षको माग सम्बोधनको पक्षमा भएपनि तत्काल संशोधनको सम्भावना नदेखिएको बताएका हुन्।

प्रधानमन्त्री देउवाले भने, ‘अहिले नै संशोधनको विधेयक पारित हुने अवस्था छैन, त्यसैले सबै मिलेर दोस्रो चरणको स्थानीय तहको निर्वाचनमा जाउँ। त्यसपछि उपयुक्त समयमा संविधान संशोधन गराएरै छाड्छु।’

उनले संविधानको सर्वस्वीकार्यता बढाएर यसको सफल कार्यान्वयन गराउने सरकारको इमान्दार पहलप्रति प्रतिपक्ष दलले पनि सहयोग र समर्थन गर्नु पर्नेमा जोड दिए।

मधेसी मोर्चाको एउटा घटक राजपाले संविधान संशोधन नगरी निर्वाचनमा जान नसकिने अडान लिँदै आएको बेला प्रधानमन्त्री देउवाले पारित नहुने अवस्थामा सदनमा निर्णयार्थ पेश गरेर फेल गराउनु हुँदेन भन्दै यसलाई उपयुक्त समयमा सदनमा अघि बढाउने बताए।

खास गरी सरकारको समर्थनमा रहेको चौथो ठूला शक्ति राप्रपाभित्र देखिएको मतभेदका कारण सरकारको पक्षमा अत्याधिक बहुमत आएपनि संविधान संशोधनका लागि आवश्यक दुइतिहाई मत नपुगेपछि सत्तारुढ दल कांग्रेस र माओवादीले अघि बढाएको विधेयक सदनमा थाती राख्दै आएका छन्।

प्रतिक्रिया दिनुहोस
करका दर व्यापारीले तोक्छ, जनता लुटिएको छ : अध्यक्ष ओली

      नेकपा (एमाले)का अध्यक्ष केपी शर्मा ओलीले अहिलेको सरकारबाट जनता लुटिएकाले

मुख्यमन्त्री र मन्त्रीहरु नै देउवा सरकारविरुद्ध धर्ना

    पटक-पटक आग्रह गर्दा पनि प्रदेशलाई प्रहरी हस्तान्तरण नगरेको भन्दै संघीय सरकारविरुद्ध

१ करोड ३० लाखले मतदान गर्ने निर्वाचन आयोगको अनुमान

      मंसिर ४ गते हुने प्रतिनिधिसभा र प्रदेशसभा निर्वाचनका लागि १

राष्ट्रपतिले नागरिकता विधेयक फिर्तागर्ने संकेत

        राष्ट्रपति विद्यादेवी भण्डारीले नागरिकता विधेयक प्रमाणीकरण गर्ने कि नगर्ने