संकटमा झाँक्री, सहज बन्यो गोकर्ण बिष्टको अवस्था



 

 

नेकपा एकीकृत समाजवादीका सचिव रामकुमारी झाँक्रीलाई पहिलो गाँसमै दाँतमा ढुंगा लागेको छ । पहिलो पटक चुनाव लडन लाग्नुभएकी झाँक्रीलाई गठबन्धनको नेतृत्वकर्ता दल नेपाली कांग्रेसले सहयोग नगर्ने भएको छ । गठबन्धन दलमा भएको सहमतिअनुसार गुल्मीको क्षेत्र नम्वर २ मा झाँक्री उम्मेदवार बने पनि कांग्रेस नेता डा. दामोदर भुसालले दर्ता गरेको उम्मेदवारी कायम रहेको छ । कांग्रेस नेताहरुले फिर्ता लिन दवाव दिए पनि बुधबार समयसम्म डाक्टर भुसालले फिर्ता नलिएपछि नेपाली कांग्रेसको भरोसामा उम्मेदवार बन्नुभएकी झाँक्रीलाई ठूलो संकट परेको छ ।

गठबन्धनकी आधिकारिक उम्मेदवार झाँक्रीविरुद्ध स्वतन्त्र भन्दै बागी उम्मेदवारी दिनुभएका भुसाललाई नेपाली कांग्रेस गुल्मीले बुधवार दिउँसो १ बजेसम्मका लागि उम्मेदवारी फिर्ता गर्न अल्टिमेटम दिएको थियो । त्यस अवधिमा उहाँले उम्मेदवारी फिर्ता नलिए स्वतः कारबाही गर्ने चेतावानीलाई बेवास्ता गर्दै उहाँले उम्मेदवारी फिर्ता नलिएपछि गठबन्धनकी उम्मेदवार झाँक्रीलाई धक्का लाग्ने र एमालेका उम्मेदवार गोकर्ण बिष्टलाई सहज भएको छ ।

प्रदेश योजना आयोग लुम्बिनीका पूर्व सदस्य रहनु भएका भुसालले आफूले पार्टीको संगठन जोगाउन र गठबन्धन संस्कृतिको अन्त्य गर्न उम्मेदवारी दिएकाले निर्वाचनमा परीक्षण हुने बताउनु भएको छ । पार्टी संस्थापन समूहका प्रभावशाली नेता भुसालले उम्मेदवारी फिर्ता नलिएपछि कांग्रेसलाई समेत संकट परेको छ ।

नेता भुसालले जनाधार नै नभएको पार्टीका नेता र गुल्मीका लागि केही नगरेको ब्यक्तिलाइ नेपाली कांग्रेसका समर्थकले भोट दिएर जिताउन बाध्यता नरहेको बताउनु भएको छ । प्रमुख निर्वाचन कार्यालयले दिएको जानकारीअनुसार गुल्मीका दुई क्षेत्रमा गरी चार जनाले उमेदवारी फिर्ता लिएका छन ।

जिल्लामा कुल ६६ जनाले उमेदवारी दिएका थिए । स्थानीय तहको निर्वाचनमा सो क्षेत्रमा वडाध्यक्षहरुले पाएको मतभारका आधारमा एमाले ३१२५३, कांग्रेस २९८२१, माओवादी १८४१, एस ६५८, राप्रपा १०१ रहेका छन । स्थानीय तहको निर्वाचनपछि नेकपा एसका जिल्लाको मुख्य नेतृत्व नै एमालेमा प्रवेश गरेको छ भने माओवादी तथा अन्य पार्टीबाट समेत एमालेमा प्रवेश गरेकाले स्थानीय तहको मतभार फेरिएको छ ।

प्रतिक्रिया दिनुहोस
थापाथलीमाको सुकुम्वासी बस्ती हटाउन पछि नहट्ने महानगर

  काठमाडौं महानगरका मेयर बालेन्द्र साह (बालेन) थापाथलीको सुकुम्वासी बस्तीलाई कुनै पनि हालतमा

आवासविहीन सुकुमबासीको राजनीति नगरौँ – बाबुराम भट्टराई

  ‘आवासविहीन सुकुमबासीको संवेदनशील प्रश्नमाथि कसैले छुद्र राजनीति नगरौँ ।  पूर्वप्रधानमन्त्री डा.बाबुराम भट्टराईले

समानुपातिकमा नेकपा एमाले अगाडि

  मंसिर ४ मा सम्पन्न आम निर्वाचनको समानुपातिकतर्फ नेकपा एमालेले निरन्तर अग्रता कायम

कांग्रेसको सरकार बने मुख्यमन्त्री म हुन्छु : इन्द्र बानियाँ

  नेपाली कांग्रेसका नवनिर्वाचित प्रदेशसभा सदस्य इन्द्रबहादुर बानियाँले वागमती प्रदेशमा नेपाली कांग्रेसको सरकार