भक्तपुर कांग्रेसमा पहिरो, क्षेत्रीय सभापतिसहित दर्जनौं युवा एमालेमा प्रवेश



 

 

मंसिर ४ गते हुने संघीय तथा प्रदेश निर्वाचनको संघारमा सत्ता गठबन्धनको नेतृत्व गरिरहेको नेपाली कांग्रेस परित्याग गरी एमालेमा प्रवेश गर्नेको लर्को लागेको छ । यसै क्रममा भक्तपुरमा कांग्रेस परित्याग गरी दर्जनौं युवाहरु एमालेमा प्रवेश गरेका छन् ।

कांग्रेसको विद्यार्थी संगठन नेपाल विद्यार्थी संघ भक्तपुर जिल्ला क्षेत्र नं. १ का सभापति प्रमोद राज सुवेदीसहित १५ जना युवाहरु एमालेमा प्रवेश गरेका हुन् । प्रवेश गर्नेमा सभापति सुवेदीसहित एलिस सुवेदी, सन्दिप नेपाल, उमेश तिम्सिना, सुरज तिम्सिना, अनिल भट्टराई, निक श्रेष्ठलगायतका १५ जना युवाहरु एमालेमा प्रवेश गरेका हुने । एमाले प्रवेश गर्दै युवाहरुले जिल्लामा मात्र नभई मुलुकको नेतृत्व गर्न एमालेको विकल्प नभएको उल्लेख गर्दै एमालेको विजय नै राष्ट्र, राष्ट्रियता तथा विकास र समृद्धिको ढोका खुल्ला हुने भन्दै एमालेमा प्रवेश गरे ।

एमालेको नेतृत्वमा भक्तपुरको विकासले कायापल ल्याएको भन्दै नवप्रवेशीले नेकपा एमालेको पोलिटव्युरो सदस्य, पूर्वमन्त्री तथा एमाले क्षेत्र नं. १ को प्रतिनिधिसभाका उम्मेदवार महेश बस्नेतले आफ्नो साढे चार वर्षको कार्यकालमा गर्नुभएको विकासले जिल्लामा नयाँ आयाम ल्याएकोले आफुहरु एमालेमो प्रवेश गरेको उल्लेख गरे । नेता बस्नेतले अबको पाँच वर्ष अधुरा कामहरुलाई सम्पन्न गराउने, रोजगारी सिर्जना गर्ने तथा जिल्लामा नै औद्योगिकरणको अभियान सञ्चालन गर्ने महत्वपूर्ण लक्ष्य लिनुभएकाले उक्त लक्ष्य पुरा गराई जिल्लाका सम्पूर्ण युवाहरुलाई विदेश पलायन हुनबाट रोक्न र एमालेको झण्डाबोकी सवै योजना सफल बनाउन एमाले प्रवेश गरेको उल्लेख गरे ।

कार्यक्रममा एमाले नेता बस्नेतले खादा तथा अविर लगाई स्वागत गर्नुभयो । कार्यक्रममा बोल्दै नेता बस्नेतले नवप्रवेशीलाई आगामी दिनमा राजनीतिक तथा सामाजिक कार्यकालको बधाई तथा शुभकामना वयक्त गर्दै योग्यता र क्षमताको आधारमा नवप्रवेशीलाई पार्टीले उचिज जिम्मेवारी दिने प्रतिवद्धता जनाउनुभयो । नवप्रवेशी तथा एमालेका कार्यकर्ताहरले आगामी मंसिर ४ गते एमालेको लागि ऐतिहासिक दिन बनाउनुपर्नेमा जोड दिँदै नेता बस्नेतले सोही अनुसार रात दिन नभनि निर्वाचन केन्द्रीत भई लाग्न नेता तथा कार्यकर्तालाई निर्देशन दिनुभयो ।

कार्यक्रममा एमाले भक्तपुर इन्चार्ज सोमप्रसाद मिश्र, केन्द्रीय सदस्य गोविन्द प्रासद दुलाल, वागमती प्रदेश सदस्य राजेन्द्र राजथला, जिल्ला अध्यक्ष बचन देउजा, उपाध्यक्ष बाशुदेव थापा, एमाले क्षेत्र नं. २ ‘क’ सूर्यविनायकका उम्मेदवार किरण थापा, ‘ख’ मध्यपुरका उम्मेदवार चन्दनकृष्ण श्रेष्ठ, एमाले सूर्यविनायक नगर अध्यक्ष रविन्द्र सापकोटालगायतका एमाले नेता तथा कार्यकर्ताको उपस्थिती रहेको थियो ।

प्रतिक्रिया दिनुहोस
समानुपातिकतर्फ एमाले र कांग्रेसबीचको मतान्तर १,२८,३८६

  यही मंसिर ४ गते भएको प्रतिनिधिसभा र प्रदेशसभा सदस्य निर्वाचनको प्रत्यक्ष र

थापाथलीमाको सुकुम्वासी बस्ती हटाउन पछि नहट्ने महानगर

  काठमाडौं महानगरका मेयर बालेन्द्र साह (बालेन) थापाथलीको सुकुम्वासी बस्तीलाई कुनै पनि हालतमा

आवासविहीन सुकुमबासीको राजनीति नगरौँ – बाबुराम भट्टराई

  ‘आवासविहीन सुकुमबासीको संवेदनशील प्रश्नमाथि कसैले छुद्र राजनीति नगरौँ ।  पूर्वप्रधानमन्त्री डा.बाबुराम भट्टराईले

समानुपातिकमा नेकपा एमाले अगाडि

  मंसिर ४ मा सम्पन्न आम निर्वाचनको समानुपातिकतर्फ नेकपा एमालेले निरन्तर अग्रता कायम