सिट बाँडफाँडले गठबन्धनमा भाँडभैलो, ९० सिट नछाड्ने कांग्रेसको दाबी



 

 

सत्तारुढ गठबन्धनका दलहरुबीच सिट बाँड्न बसेको बिहीबारको बैठक निष्कर्षविहीन बनेको छ । दलका शीर्ष नेताहरुबीच भएको छलफलमा आआफ्नै अडान प्रस्तुत भएपछि सहमति हुन नसकेको हो । नेपाली कांग्रेसले ९० सिट नछाड्ने दाबी प्रस्तुत गरेको थियो भने नेकपा माओवादी केन्द्र र नेकपा एकीकृत समाजवादी कांग्रेसलाई ८० सिटमा खुम्च्याउन चाहन्छन् ।

हिजोको बैठकमा दलहरुले गम्भीररुपमा छलफल गरेको भने पनि ठोस उपलब्धि भने हुन सकेन । सरकारका प्रवक्ता एवम् नेपाली कांग्रेसका नेता ज्ञानेन्द्रबहादुर कार्कीले निष्कर्ष निकाल्न अझै केही दिन लाग्ने बताए । उनले बैठकपछि सञ्चारकर्मीहरुसँग कुरा गर्दैै अब दुई धैर्य बन्न र त्यसपछि एउटा ठोस निष्कर्ष दिइने बताए । उनले भने, ‘सबैलाई सम्मानजनक, न्यायोचित ढंगले सिटको बाँडफाँट हुनेछ, अझै एक वा दुई पर्खिनुहोस् ।’

विशेषगरी सिट संख्यामै कुरा नमिलेको गठबन्धनका नेताहरु बताउँछन् । जसपाका अध्यक्ष उपेन्द्र यादवले छलफल गहन भएको तर संख्यामै सहमति हुन नसकेको बताए ।

गठबन्धन दलका नेताहरुले कांग्रेसले आफूहरुलाई पेलेको आरोप लगाउँदै आएका छन् । केही दिनअघिको भाषणमा नेकपा एसका अध्यक्ष माधव नेपालले अरुको भ¥याङमात्रै बनेर अघि बढ्न नसकिने बताएका थिए । भेदभाव गरिए गठबन्धनमा बस्नुको औचित्य नहुने उनको आशय थियो । त्यस्तै, माओवादी केन्द्रले पनि कांग्रेसलाई एकलौटी रुपमा धेरै सिट दिन नहुने भन्दै अन्य दलहरुसँग त्यही किसिमले मोर्चाबन्दी गरिरहेको छ ।

प्रतिक्रिया दिनुहोस
शेखर-गगन समूहको छुट्टै चियापान कार्यक्रम (तस्बिरहरू)

    सत्तारुढ प्रमुख घटक नेपाली कांग्रेसको शेखर कोइराला समूहले छुट्टै चियापान कार्यक्रमको

आम निर्वाचनमा देशभर १० हजार ८९१ मतदानस्थल

    आगामी मंसिर ४ गते हुने प्रतिनिधिसभा र प्रदेश सभाको निर्वाचनका लागि

अमेरिकी डलरको भाउ हालसम्मकै उच्च

    अमेरिकी डलरको तुलनामा नेपाली मुद्रा (नेरु) हालसम्मकै कमजोर बनेको छ । अमेरिकी

राप्रपा प्रवेश गर्दै रवीन्द्र मिश्र

    विवेकशील साझा पार्टी परित्याग गरेका रवीन्द्र मिश्र भोलि बुधवार राप्रपा प्रवेश