एउटै व्यक्ति कतिपटक उठने भन्ने बहसले एमालेमा खैलाबैला



 

 

नेकपा एमालेमा प्रतिनिधिसभा र प्रदेशसभा सदस्यको उम्मेदवार सम्बन्धी मापदण्डमाथि छलफल चलिरहँदा एउटै व्यक्ति कति पटकसम्म चुनाव लड्ने भन्ने वहस भएको छ । उम्मेदवारका प्रस्तावित मापदण्डमाथि विहीवारको पोलिटव्युरो बैठकमा छलफल हुँदा कतिपय व्यक्ति २०४३ सालदेखि चुनाव लड्दै आएका भन्दै एउटा व्यक्तिलाई कतिपटक पार्टीले टिकट दिने भन्ने प्रश्न उठेको हो । तत्कालीन नेकपा मालेले पञ्चायतकालीन चुनावमा जनपक्षीय उम्मेदवार उठाउने नीति अनुसार जागृत प्रसाद भेटवाल,पद्मरत्न तुलाधर,गोविन्दनाथ उप्रेती सोमनाथ प्यासी अधिकारी लगायतका व्यक्ति राष्ट्रिय पञ्चायत (तत्कालीन संसद)मा जितेका थिए ।

एमाले बैठकमा एउटा व्यक्तिले लगातार कतिपटक उम्मेदवार बन्ने र अपवादका रुपमा कसलाई राख्नेभन्ने बारे पनि मापदण्ड बनाउन उपयुक्त हुने सुझाव आएको स्थायी कमिटी सदस्य खिमलाल भट्टराईले बताए । तर निरपेक्ष रुपमा एउटा व्यक्ति यतिपटक उठ्ने ,समानुपातिक दोहोरिन नपाउने र राष्ट्रियसभा सदस्यलाई राजीनामा गराएर प्रतिनिधिसभामा नउठाने भन्ने कुरा बैठकमा नआएको उनले बताए ।

भट्टराईले भने–निरपेक्ष रुपमा यतिपटक भन्ने होइन प्रत्यक्ष निर्वाचित हुनेमा पनि एउटै व्यक्ति कतिपट उठाउने भन्ने हो । तर कतिपय नेता,कतिपय व्यक्तिको लोकप्रिय र आवश्यकता हेरिन्छ । राष्ट्रियसभामा भएकै व्यक्ति तल गएर चुनाव लड्दामात्र पार्टीलाई फाइदा हुने अवस्था पनि हुन्छ । त्यसैले कुनै मापदण्डमा निषेध हुन्न ।

एमालेभित्र स्थानीय तह निर्वाचनमा पराजित भएका तथा राष्ट्रियसभा सदस्य रहेकालाई चुनावमा टिकट नदिन दबाब छ । त्यस्तै हाल समानुपातिकमा रहेकालाई सोही कोटामा दोहोरिन नदिन पनि आवाज उठेको छ । आजबाट शुरु भएको केन्द्रीय कमिटी बैठकले उम्मेदवारको मापदण्डमाथि छलफल गरी पारित गर्ने उपमहासचिव पृथ्वीसुब्बा गुरुङले बताए ।

प्रतिक्रिया दिनुहोस
शेखर-गगन समूहको छुट्टै चियापान कार्यक्रम (तस्बिरहरू)

    सत्तारुढ प्रमुख घटक नेपाली कांग्रेसको शेखर कोइराला समूहले छुट्टै चियापान कार्यक्रमको

आम निर्वाचनमा देशभर १० हजार ८९१ मतदानस्थल

    आगामी मंसिर ४ गते हुने प्रतिनिधिसभा र प्रदेश सभाको निर्वाचनका लागि

अमेरिकी डलरको भाउ हालसम्मकै उच्च

    अमेरिकी डलरको तुलनामा नेपाली मुद्रा (नेरु) हालसम्मकै कमजोर बनेको छ । अमेरिकी

राप्रपा प्रवेश गर्दै रवीन्द्र मिश्र

    विवेकशील साझा पार्टी परित्याग गरेका रवीन्द्र मिश्र भोलि बुधवार राप्रपा प्रवेश