सरकारी खर्चमा आरजुको होटल हिमालयमा ‘दरपार्टी’



 

सत्तारुढ नेपाली कांग्रेसका नेतृहरुले सरकारी खर्चमै चारतारे होटलमा तीजको ‘दरपार्टी’ गरेका छन् । यसको चाँजोपाँजो भने महिला, बालबालिका तथा ज्येष्ठ नागरिक मन्त्री उमा रेग्मीले मिलाएकी थिइन् । उनी कांग्रेसको केन्द्रीय कार्यसम्पादन समितिकी सदस्य समेत हुन् । कांग्रेस सहमहामन्त्री महालक्ष्मी उपाध्याय ‘डिना’ र पूर्व कोषाध्यक्ष चित्रलेखा यादवसमेत उपस्थित कार्यक्रमको प्रमुख अतिथि भने कांग्रेस केन्द्रीय सदस्य डा। आरजु राणा देउवा थिइन् ।

जो प्रधानमन्त्री शेरबहादुर देउवाकी धर्मपत्नी हुन् । उनलाई ‘प्रथम महिला’ को हैसियतमा कार्यक्रमको प्रमुख अतिथि बनाइएको आयोजकको भनाई छ ।महिला, बालबालिका तथा ज्येष्ठ नागरिक मन्त्रालयले कुपण्डोलस्थित चारतारे हिमालय होटलमा तीजको अवसरमा शुभकामना आदान प्रदान कार्यक्रम राखेको थियो । कार्यक्रममा भूमिसुधार मन्त्री एवं माओवादी नेतृ शशी श्रेष्ठ र केही कर्मचारी बाहेक ‘गैर कांग्रेसी’ देख्न मुस्किल थियो । सहभागीहरुले छोटो औपचारिक कार्यक्रमपश्चात ‘दर’ खाएका थिए भने नाँचगानमा मन्त्री रेग्मीसहितका नेतृहरु सरिक भएका थिए ।

चर्चित गायिका राधिका हमालले सांगितिक प्रस्तुति दिएको कार्यक्रममा कांग्रेसका १ सय बढी महिला नेतृ एवं कार्यकर्ता उपस्थित थिए । तीमध्ये अधिकांशलाई आयोजक मन्त्रालय हो भन्नेसमेत थाहा थिएन । ‘उमादिदीले तीजको दरका लागि बोलाउनुभएको भनेर पुगेका थियौं । कार्यक्रम त सरकारी परेछ’, एक नेतृले नेपाल प्रेससँग भनिन् ।

गत साउन १८ गतेमात्रै प्रधानमन्त्री देउवाले मन्त्रिपरिषदका सबै मन्त्री र सचिवहरुलाई बोलाएर ‘मितव्ययी’ बन्न निर्देशन दिएका थिए । अर्थतन्त्र गम्भीर मोडमा रहेको भन्दै प्रधानमन्त्रीले त्यतिबेला अत्यावश्यकबाहेक काममा मन्त्रालयको बजेट खर्च नगर्न र मितव्ययी बन्न निर्देशन दिएका थिए । प्रधानमन्त्री पत्नीकै उपस्थितिमा प्रधानमन्त्रीको निर्देशन समेतको सामूहिक उल्लघंन कांग्रेस नेतृहरुले गरेका छन् ।

कार्यक्रमका सहभागिहरुलाई दर खान भन्दै बुधबार मध्यान्ह १२ बजे होटल हिमालयमा बोलाइएको थियो । केहीबेर ढिला गरी सुरु भएको औपचारिक कार्यक्रममा कुनै ब्यानर राखिएको थिएन । यद्यपि मन्त्रालयका सचिव डिल्लीराज शर्मा लगायत उच्चपदस्थ कर्मचारीहरु कार्यक्रमको व्यवस्थापनमा खटिएका थिए ।

औपचारिक कार्यक्रम सकिएपनि केही घण्टा नाँचगान गरेर कांग्रेस नेतृहरु छुट्टिएका थिए । मन्त्रालयका एक कर्मचारीले विगतको अभ्यास थाहा नभएपनि यसपटक मन्त्रालयले आफ्नै खर्चमा तीजको कार्यक्रम राखेको बताए ।

     

प्रतिक्रिया दिनुहोस
शेखर-गगन समूहको छुट्टै चियापान कार्यक्रम (तस्बिरहरू)

    सत्तारुढ प्रमुख घटक नेपाली कांग्रेसको शेखर कोइराला समूहले छुट्टै चियापान कार्यक्रमको

आम निर्वाचनमा देशभर १० हजार ८९१ मतदानस्थल

    आगामी मंसिर ४ गते हुने प्रतिनिधिसभा र प्रदेश सभाको निर्वाचनका लागि

अमेरिकी डलरको भाउ हालसम्मकै उच्च

    अमेरिकी डलरको तुलनामा नेपाली मुद्रा (नेरु) हालसम्मकै कमजोर बनेको छ । अमेरिकी

राप्रपा प्रवेश गर्दै रवीन्द्र मिश्र

    विवेकशील साझा पार्टी परित्याग गरेका रवीन्द्र मिश्र भोलि बुधवार राप्रपा प्रवेश