नेपाल विद्यालय कर्मचारी परिषद आन्दोलनमा



 

 

देशभरका ४० हजार विद्यालय कर्मचारी माथि सरकारले ध्यान नदिएको भन्दै नेपाल विद्यालय कर्मचारी परिषद आन्दोलनमा छ । परिषदले विद्यालय कर्मचारीहरूको तलबमान सरकारले तोके बमोजिम कायम गर्नु पर्ने माग राख्दै आएको छ । तर सरकारले उक्त माग सम्बोधन नगर्दा विद्यालय कर्मचारीहरु पटक पटक आन्दोलनमा उत्रन बाध्य छन् ।

परिषदले विद्यालय कर्मचारीहरू (विद्यालय सहायक, लेखापाल र विद्यालय सहयोगी) को हालसम्म नेपाल सरकारबाट उचित तलबमान कायम नभई झिनो अनुदानमा मात्र काम गर्नु पर्ने बाध्यता रहेको प्रति आपत्ति जनाउदैँ गत साउन २२ देखि भाद्र २ गते सम्म काठमाण्डौँमा आन्दोलन समेत गरेको छ । कार्यक्रममा देशभरका विद्यालय कर्मचारीहरु सहभागी थिए ।

परिषदले साउन २२ गते शिक्षा तथा प्रविधि मन्त्रालयमा ज्ञापन पत्र सहित जानकारी, शिक्षा तथा मानव स्रोत विकास केन्द्रमा ज्ञापन पत्र सहित जानकारी, ३१ गते पत्रकार सम्मेलन, भाद्र १ गते देशै भरका विद्यालय कर्मचारीहरुको उपस्थीतिमा शिक्षा तथा मानव स्रोत विकास केन्द्रमा धर्ना र २ गते देखि शिक्षा तथा मानव स्रोत विकास केन्द्रमा अनिश्चितकालिन धर्ना तथा कार्यालयमा तालाबन्दी कार्यक्रम गरिरहेका छन् ।

विद्यालयमा सरकारी तलवमा काम गरिरहेका कर्मचारी सरह आफूहरुले काम गर्दा पनि सरकारले हामिहरुलाई उपेक्षा गरिरहेको विद्यालय कर्मचारी परिषद नुवाकोटका अध्यक्ष झंकबहादुर सडौला (रामहरि) ले बताए । सरकारको विभेदकारी नीतिको विरुद्ध आफूहरु निरन्तर सङघर्ष गरिरहने उनले बताए ।

प्रतिक्रिया दिनुहोस
रेमिट्यान्स बढ्यो, सोधानान्तर स्थिति बचतमा

    चालू आर्थिक वर्षको ६ महिनामा ५ खर्ब ८५ अर्ब ८ करोड

रास्वपाका तीन मन्त्रीको राजीनामा स्वीकृत

    राष्ट्रिय स्वतन्त्र पार्टीका तीनमन्त्रीको राजीनामा स्वीकृत भएको छ । श्रम, रोजगार

ओली, प्रचण्ड र देउवाबीच सिंहदरबारमा छलफल

    प्रधानमन्त्री पुष्पकमल दाहाल ‘प्रचण्ड’ ले एमालेका अध्यक्ष केपी शर्मा ओली र

 राष्ट्रियसभा उपाध्यक्षमा माओवादीकी उर्मिला अर्याल निर्विरोध

    राष्ट्रियसभा उपाध्यक्षमा नेकपा माओवादी केन्द्रकी उर्मिला अर्याल निर्विरोध निर्वाचित भएकी छन्