१ करोड ३० लाखले मतदान गर्ने निर्वाचन आयोगको अनुमान



 

 

 

मंसिर ४ गते हुने प्रतिनिधिसभा र प्रदेशसभा निर्वाचनका लागि १ करोड ८२ लाख मतदाता कायम भएका छन् । निर्वाचन आयोगका अनुसार अन्तिम मतदाता नामावली प्रकाशन भने भइसकेको छैन । आयोगले आइतबार ललितपुरमा गरेको अन्तरक्रिया कार्यक्रममा प्रमुख निर्वाचन आयुक्त दिनेशकुमार थपलियाले आउने निर्वाचनमा करिब १ करोड ३० लाख मत खस्ने अनुमान गरिएको बताए ।

थपलियाले भने, ‘करिब १ करोड ८२ लाख मतदातामध्ये ४० लाख जति विदेशमा रहेको अनुमान छ । हाम्रो अनुमानमा यसपटक करीव १ करोड ३० देखि ३५ लाखसम्म मत खस्छ । यसपटक अस्थायी मतदाताको पनि व्यवस्था रहेकाले कर्मचारी, सेना, प्रहरी समेतले कार्यस्थलबाटै मतदान गर्दा मत खस्ने प्रतिशत बढ्छ ।’ आयोगले निर्वाचनमा करिब १० अर्ब रूपैयाँ निर्वाचन आयोगबाट खर्च हुने अनुमान गरेको छ । त्यस्तै १० हजार ८२५ मतदान स्थल रहने र करिब २२ हजार ५०० मतदान केन्द्र रहनेछन् ।

प्रमुख आयुक्त थपलियाले पहिलो हुने निर्वाचित हुने प्रत्यक्ष निर्वाचन प्रणालीतर्फ जुन दलको उम्मेदवार हुन्छन् वा स्वतन्त्र उम्मेदवार हुन्छन् उम्मेदवारको मात्र चुनाव चिन्ह राखेर मतपत्र छपाइ हुने बताए । यदि कुनै दलको प्रत्यक्ष उम्मेदवार छैन भने मतपत्रमा सो दलको चुनाव चिन्ह हुने छैन । यसपटक निर्वाचनमा खटिने कर्मचारी, सुरक्षाकर्मी, कैदीबन्दी, स्वीकृति लिई सञ्चालनमा रहेका वृद्धाश्रममा रहेका मतदातालाई अस्थायी मतदाता सूचीमा राखिएको छ । उनीहरूले समानुपातिकतर्फ मतदान गर्न पाउने थपलियाले जानकारी दिए ।

प्रतिक्रिया दिनुहोस
शेखर-गगन समूहको छुट्टै चियापान कार्यक्रम (तस्बिरहरू)

    सत्तारुढ प्रमुख घटक नेपाली कांग्रेसको शेखर कोइराला समूहले छुट्टै चियापान कार्यक्रमको

आम निर्वाचनमा देशभर १० हजार ८९१ मतदानस्थल

    आगामी मंसिर ४ गते हुने प्रतिनिधिसभा र प्रदेश सभाको निर्वाचनका लागि

अमेरिकी डलरको भाउ हालसम्मकै उच्च

    अमेरिकी डलरको तुलनामा नेपाली मुद्रा (नेरु) हालसम्मकै कमजोर बनेको छ । अमेरिकी

राप्रपा प्रवेश गर्दै रवीन्द्र मिश्र

    विवेकशील साझा पार्टी परित्याग गरेका रवीन्द्र मिश्र भोलि बुधवार राप्रपा प्रवेश